• USD 468.56

  • EUR 497.56

  • RUB 7.3

  • CNY 67.18

29 Naýryz, 10:06:47
Almaty
+35°

01 Tamyz, 2019 Mańǵystaý oblysy

Qazposhta Mańǵystaý oblysynda basylymdardy dronmen jetkize bastady

Mańǵystaý oblysy, Túpqaraǵan aýdanynyń Aqshuqyr aýylyna respýblıkalyq basylymdar dronmen jetkizilýde.

Jalpy alǵanda, drondar merzimdi basylymdardy oblystyń segiz aımaǵyna jetkizedi Olar Mańǵystaý, Batyr, Baıandy, Dáýlet, Qyzyltóbe, Saıyn, Qyzylsaı jáne Aqshuqyr aýyly.

Basylymdardy drondarmen jetkizý jobasyn Qazposhta úshinshi jyl iske asyrýda. Biraq buǵan deıin hatter jáne gazet-jýrnaldar drondarmen tek Almaty, Jambyl, Qaraǵandy, Túrkistan, Shyǵys Qazaqstan jáne Qostanaı oblystarynda jetkizilgen. Bıyl jobaǵa Mańǵystaý jáne Aqtóbe oblystary qosyldy.

«Drondar jetkizý prosesin ońtaılandyrýǵa kómektesedi, biraq olar poshta qyzmetkeriniń jumysyn eshqashan aýystyrmaıdy. Bul, mysaly, respýblıkalyq gazetterdiń oqyrmandary olardy osy aýylǵa jerdegi poshta kóligi kelgen kúni emes, shyǵarylǵan kúni alady degendi bildiredi. Drondardyń artyqshylyǵy - joǵary utqyrlyq, joldar sapasynan táýelsizdik jáne energııany az tutyný», - deıdi «Qazposhta» AQ Mańǵystaý oblystyq fılıalynyń dırektory Darıǵa О́tebalıeva.

Jalpy alǵanda, jobany iske asyrý barysynda drondar 4 960 saǵatta 145 myń km  ótip, shamamen 18,5 tonna merzimdi basylymdardy tasymaldady. Barlyq aýdandarda 2 jáne 4 kg júk kótere alatyn 20 dron jumys isteıdi.

Sonymen birge, ulttyq poshta operatory drondarǵa tehnıkalyq jáne basqa da qyzmet kórsetpeıdi, óıtkeni bul belgili bir biliktilik pen qosymsha shyǵyndardy talap etedi. Qazposhtanyń drondardy shyǵaryp paıdalanatyn almatylyq Adrome Automation kompanııasymen seriktestigi servıstik modeline negizdelgen. Qazposhta tek basylymdardy jetkizý jumystary úshin tólem jasaıdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir