03 Tamyz, 2019 Oqıǵalar
Jambyl oblysynyń polıseıleri jol ústinde júkti áıeldi bosandyryp aldy (vıdeo)
Erli-zaıyptynyń kóligi buzylyp, aýrýhanaǵa jete almaǵan.
Jambyl oblysynyń patrýldik polısııa batalonynyń qyzmetkerleri Almaty-Tashkent tas jolynda júkti áıeldi bosandyryp aldy dep habarlaıdy Qamshy.kz aqparat agenttigi.
Bul týraly Jambyl oblysy Polısııa departamenti bastyǵynyń resmı paraqshasynda jarııalanǵan.
2 tamyzda erli-zaıypty Qordaı aýdandyq perzenthanasyna jolǵa shyqqan, alaıda Almaty-Tashkent tasjolynyń 183-shi kılometrinde kólikteri buzylyp, jol ortasynda toqtaýǵa májbúr bolǵan. Osy kezde Jambyl oblysynyń patrýldik polısııa batalonynyń ofıserleri ketip bara jatqan. Qyzmettik kóliktegi polısııa qyzmetkerleri júkti kelinshek pen onyń kúıeýin perzenthanaǵa jetkizip salmaq bolady, biraq oǵan jete almaǵan - jolda áıeldiń tolǵaǵy bastalǵan.
"Polısııa qyzmetkerleriniń kómegimen qyzmettik kóliktiń salonynda er bala dúnıege keldi", - dep atap ótti vedomstvonyń baspasóz qyzmeti. Kóp uzamaı jedel járdem brıgadasy kelip, ana men balany perzenthanaǵa jetkizdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir