Mańǵystaý oblysynyń ákimi Serikbaı Trumov jumys saparymen Jańaózen qalasyna bardy

30 gektar aýmaqty alatyn tehnoparktiń negizgi mindeti ónim óndirý salasyndaǵy jumys jasaıtyn kásipkerlerdi bir jerge ornalastyrý. Osy ýaqytqa deıin alańǵa ishki jáne syrtqy ınjenerlik jeliler tartylyp, ákimshilik ǵımaraty men angar salynyp, bólingen qarajat tolyǵymen ıgerilgen. Qazirgi tańda, Jańaózen qalasy ákimdigi jáne "Atameken kásipkerler palatasy" arasynda jumys toby qurylyp, "Bıznestiń jol kartasy - 2020" bıznesti qoldaý jáne damytýdyń biryńǵaı baǵdarlamasy aıasynda óndiristik alańnan kásipkerlerge jer ýchaskelerin О́ÚK (О́ńirlik úılestirý komıssııasy) arqyly bólý jumystary talqylanýda. Búgingi kúnge deıin óndiristik alańǵa ornalasý boıynsha 37 kásipkerden usynys túsken. Onyń ishinde jıhaz óndiretin seh, tigin sheberhanasy, qaǵaz, polıetılen paketin óndirý jáne t.b. bar.

Osydan keıin aımaq basshysy "Bıznes ınkýbator" ǵımaratyna bardy. Ortalyqtyń mindeti qaladaǵy jańadan isin bastaıtyn kásipkerlerge keshendi kómek kórsetý bolyp tabylady. 2015 jylǵy eki jaqty Senimgerlik basqarý shartyna sáıkes, bıznes ınkýbator ǵımaraty oblystyq Atameken kásipkerler palatasyna berilgen. Kásipkerlerge yńǵaıly jaǵdaı jasaý úshin atalǵan ǵımaratty jóndeý jumystaryn uıymdastyrýǵa 1 aı merzim berildi. Sondaı-aq, oblys ákimi quqyqtyq qyzmet kórsetý ortalyǵy men «Neke saraıy» ǵımaratynyń qyzmetimen tanysty.

Kelesi kezekte óńir basshysy Serikbaı Trumov Jańaózen qalalyq Atameken kásipkerlerge qyzmet kórsetý ortalyǵyna bardy. 2014 jyldan beri qyzmet kórsetip otyrǵan kásipkerler palatasynyń negizgi maqsaty – qala boıynsha kásipkerlik sektordy damytý, olardyń múddelerin qorǵaý, kásipkerge qolaıly jaǵdaılardy qamtamasyz etý, osy saladaǵy memlekettik saıasatty, bıznesti jáne ákimshilik ózara is-qımyldardy jetildirý, servıstik qyzmet kórsetý bolyp tabylady.

Jumys sapary barysynda oblys ákimi Jańaózen qalasynyń aktıvimen kezdesip, qalany damytýdyń 2019-2025 jyldarǵa arnalǵan Keshendi josparynyń oryndalysymen jáne qaladaǵy áleýmettik máselelermen tanysty.

- Aldymen halyqtyń ál-aýqatyn arttyrýymyz qajet. Osy baǵytta shaǵyn orta bıznesti damytýymyz kerek dep sanaımyn. Mysaly, "SPK" Kaspıı" áleýmettik kásipkerlik korporasııasy arqyly qaladan birneshe dúkender salsaq, turǵyndarǵa jeke kásippen aınalysýǵa múmkindik bolar edi, - deıdi Serikbaı Trumov.

Qalamyzdaǵy 50 kereýettik stasıonary bar medısınalyq ortalyqtyń qurylysyn aıaqtaý boıynsha Keshendi josparǵa sáıkes «О́zenmunaıgaz» AQ jáne jeke ınvestısııalar qarajaty esebinen qurylys jumystaryn júrgizý josparlanýda. Keshendi josparda 2019-2025 jyldar aralyǵyndaǵy qarastyrylǵan is-sharalardyń, ınvestısııalyq jobalardyń iske asyrylýynyń nátıjesinde 5606 jańa jumys oryndary qurylatyn bolady.