Mamın: Arys qalasyndaǵy qurylys jumystarynyń 90% astamy aıaqtaldy

QR Premer-Mınıstri Asqar Mamın Túrkistan oblysyna jumys sapary barysynda Arys qalasynyń zalal keltirilgen úılerin, áleýmettik nysandaryn, ınjenerlik jelilerin salý jáne jóndeý jumystarynyń barysyn tekserdi, sondaı-aq qalany qalpyna keltirý jóninde keńes ótkizdi Qamshy.kz aqparat agenttigi.

QR Úkimetiniń basshysy áskerı qalashyqtyń turǵyn aımaǵyn qarap, I. Jýrba atyndaǵy mektepti, qalalyq aýrýhanany, temir jol vokzalyn, turǵyn úılerdi qalpyna keltirý, ortalyq stadıondy rekonstrýksııalaý jumystarynyń nátıjelerimen tanysty.

Qysqa merzimde Arys qalasynda úlken aýqymdy jumys atqaryldy. Qalanyń 90%, sonyń ishinde, tirshilikti qamtamasyz etetin nysandar men ınfraqurylymdary qalpyna keltirildi. 6,5 myńnan astam turǵyn úı qalpyna keltirilip, 6,5 myń otbasy jóndelgen úılerine kirdi. Barlyq ınjenerlik ınfraqurylym tolyq jóndeýden ótkizildi. Kósheler aýqymdy túrde rekonstrýksııalandy. 62 áleýmettik nysan, sonyń ishinde – aýrýhanalar, mektepter, balabaqshalar, sport obektileri 20 tamyzǵa deıin daıyn bolady.

QR qorǵanys mınıstri N. Ermekbaev, ishki ister mınıstri E. Turǵymbaev, densaýlyq saqtaý mınıstri E. Birtanov, bilim jáne ǵylym mınıstri A. Aımaǵambetov, ındýstrııa jáne ınfraqurylymdyq damý birinshi vıse-mınıstri Q. О́skenbaev, Túrkistan oblysynyń ákimi О́. Shókeev, «Samuryq-Qazyna» jyljymaıtyn múlik qory» AQ basqarma tóraǵasy B. Sandyqbaev, «Atameken» UKP basqarma tóraǵasynyń orynbasary O. Ordabaev ózderi jetekshilik etetin baǵyttar boıynsha baıandama jasady.