• USD 378.65
  • EUR 430.07
  • RUB 6
  • CNY 55.1
24 Tamyz, 06:53:05
Qoryqshylardyń materıaldyq-tehnıkalyq bazasy kúsheıtiledi

02 Tamyz, 2019 NEWS

"Shymkent qalasy prokýrorynyń birinshi orynbasarynan qorlyq kórdim" dep otyrǵan kimder?

Zań boıynsha jumys jasap, sottan ádildik izdep otyrǵan jandar bizge óziniń basynan ótip jatqan qara bult basqan kúnderdi baıandap, vıdeo joldaǵan bolatyn. 

Túrkistan oblysy Shymkent qalasy prokýrorynyń birinshi orynbasary Sabanshıev Manas Májitulyna qatysty keleńsiz másele Qamshy.kz aqparat agenttiginiń WhatsApp jelisine kelip tústi. 

Qysqasha túsindirip óter bolsaq, túıini tereńde jatqan, kúrmeýi ońaı, sheshilýi qıyn jaǵdaı ekenin ańǵarýǵa bolady. 

"Men Beısembeva Kúlnar Saparqyzy. Maǵan taǵylǵan aıyptyń jalǵan ekenin bile tura Shymkent qalasynyń  prokýrory jáne qala prokýrory óz qyzmetterin asyra paıdalanyp, meni kúni-túni shaqyryp, qorqytty. Meni jalǵyzbasty ana dep sanamaı, qyzym Kamılany ólimge ıtermeledi. О́zim dáriger qaraýynda bolyp qaldym. Qala prokýrorynyń birinshi orynbasary Sabanshıev Manas bastaǵan top óziniń jerlesi, týysy Shynybaev Erlandy jaqtap otyr. Sondyqtan uıymdasqan topty áshkerelep, qatań jaza taǵaıyndaýyńyzdy suraımyn. Qurmetti Qasym-Jomart toqaev myrza! Meniń jeke basymdy qorǵaý maqsatynda isimdi Bas prokýrordyń qadaǵalaýyna usynýyńyzdy ótinemin. Prezıdent retinde bul máseleni óz qadaǵalaýyńyzǵa alýyńyz durys" ,- delingen bizge kelip túsken aqparatta. 

Kúlnar Saparqyzynyń qyzy Jumasheva Kamıla Jandarbekqyzy aqıqatty izdep júrip, jasalǵan qysymǵa shydaı almaı óz-ózine eki ret qol jumsaǵan. Sońǵy alty aıdan beri ádilettilikke qoly jete almaı júrgendigin aıtyp, prezıdentke de arnaıy  vıdeo joldaǵandy.

"Prezıdenttiń, Bas Prokýrordyń , Sybaılas jemqorlyqqa qarsy is- qımyldar agenttigi men UQK-nyń nazaryna. Shymkent qalasy turǵyny jalǵyzbasty ana Beısembaeva Kýlnar Saparqyzyna qala prokýratýrasy, PD О́QB tarapynan qysymdar kórsetilip jatyr. Sebebi, meni K.Beısembaevanyń qyzy Kamılany qalalyq prokýratýra qyzmetkerleri shaqyryp alyp "Turǵyn úı" basshysyna para berý faktisimen uıymdasqan qylmys jasaýǵa shaqyrdy. Prokýror qyzmetkerleri bizge aqsha jáne vıdoe t.b zattarmen baryp, "M.Muhametjan degen azamatty ustap berýdi" aıtady. Buǵan anam ekeýimiz túbegeıli qarsy boldyq.
Sosyn qala prokýrorynyń orynbasary Sabanshıev Manas jáne týysqan inisi, jerlesi bolyp keletin E. Shynybaev bastaǵan top tarapynan qysym kórsetile bastalady. "Jaqsylyqpen aıttyq kónbedińder,  endi seni de qylmysker etemiz" dep aıyptaýdy bastady. Sosyn K.Beısembaevany 48 saǵatqa qamaýǵa aldy. Eshbir dálel, aıǵaqtarsyz qylmysker dep aıyp taǵady. Sol qorǵaýshylar arqyly qala prokýroryna, ákimine, sybaılas jemqorlyqpen qarsy kúres ortalyǵyna, barlyq quzyrly organdarǵa aryz tastadyq. Biraq barlyq quzyrly organdardan teris jaýap keldi, Demek olar bizdi  qabyldamaı otyr. Qarapaıym halyq bolyp "bul elde zań bar, quqyq qorǵaý organdary bizdi qorǵaıdy"- dep júrsek,  bul organ qyzmetkerleri bizdi qınap, óz bilgenderin istep jatyr?",- deıdi  Kamıla Jandarbekqyzy. Sonymen qatar, Kúlnar Beısembaev Prezıdentke shaǵym joldady.

"Qazaqstan Respýblıkasynyń Prezıdenti Q.K.Toqaevqa Astana qalasy, Aqorda

                           

Kóshirmesi:     Qazaqstan Respýblıkasynyń Premer-Mınıstri A.Ý.Mamınge

Kóshirmesi:        Qazaqstan Respýblıkasynyń Prezıdenti Ákimshiliginiń basshysy B.A.Saǵyntaevke

Kóshirmesi:       Qazaqstan Respýblıkasy Bas Prokýrory 2-dárejeli memlekettik ádilet keńesshisi G.D.Nurdáýletovke

Kóshirmesi:       Qazaqstan Respýblıkasy Ulttyq Qaýipsizdik Komıtetiniń bastyǵy K.K.Masımovke

Kóshirmesi:      Qazaqstan Respýblıkasynyń Ishki Mınıstri polısııa general-leıtenanty E.Z.Turǵymbaevqa

Kóshirmesi:      Shymkent qalasynyń prokýrory aǵa ádilet keńesshisi M.A.Qojabaevqa

Kóshirmesi:       Shymkent qalasy QPD-niń bastyǵy polısııa polkovnık E.M.Djýmahanbetovke

                    

Azamat Beısembaeva Kýlnar Saparovnadan, 27.01.1967 jyly týylǵan

Shymkent qalasy, «Qaıtpas-1» móltek aýdany, Saryjaılaý kóshesi №1 úı turǵyny, u.t.87072349066

 

                                                                    

                                                                                           Sh A Ǵ Y M

 

        Qurmetti Qasym-Jomart Kemeluly!

 

          Sizge Qazaqstan Respýblıkasy Prezıdentine, Konstıtýsııa kepili retinde, osy shaǵymmen júginýime kelesi sebepter bolyp otyr. Jaqynda ótken Qazaqstan Respýblıkasy Prezıdentiniń saılaýynda men Sizge daýys berdim.

            Kazirgi tańda Shymkent qalasy PD-niń TB-niń tergeýshisi N.Rahımovtyń óndirisinde, maǵan ıaǵnı  Beısembaeva Kýlnar Saparovnaǵa qatysty Qazaqstan Respýblıkasy QK-nyń 190-baby 3-bóligi 1-tarmaǵymen taǵylǵan aıyp boıynsha, №1197900011000007 sańdy qylmystyq is qozǵalyp qaralýda.

           Atalǵan qylmystyq is-materıaldarymen tanysý barysynda tergeý tarapynan bir qatar prosessýaldyq zań normalarynyń óreskel buzylý faktiler oryn alǵan, jáne maǵan K.S.Beısembaevaǵa jábirlenýshi E.Shynybaevtyń aryzy negizinde, QR QK-nyń 190-baby 3-bóligi 1-tarmaǵy boıynsha taǵylǵan aıypty zańsyz, negizsiz dep sanaımyn jáne ol kelesi sebeptermen toqtatýǵa jatady dep esepteımin:

  1. Alǵashqy ret jábirlenýshi E.Shynybaev 28.09.2018 jyly Shymkent qalasy Ál-Farabı PB-niń bastyǵy S.Seıithannyń atyna jazǵan aryzynda, «Turǵyn úı Shymkent» JShS-niń dırektory M.Mýhambetjan meni aldap, kepildik retinde 7 000 000 teńge aqshany naqty berý kerek dep, aldap ketti dep jazǵan, «No posle vnesenııa dannýıý sýmmý M.Mýhambetjan ne ızvolıl sebe oformıt po zakoný zaloga, ne dav nı cheka nı kvıtansııý ı nı kakıh podtverjdaıýshıh dokýmentov. Ý menıa poıavılos podozrenıe o tom, chto on nezakonnym pýtem vzıal moı dengı ı prısvoıl dlıa svoıh nýjd. Tak kak, ıa ýznal pozje, chto nıkakıh zalogovyh obıazatelstv na trebovalos, ı prıvlech k otvetstvennostı M.Mýhambetjana v ramkah zakona», dep kórsetken.

         Alaıda, onyń bul aryzy boıynsha tergeý organdary tarapynan qandaı da bir prosessýaldyq sheshim qabyldanǵany bizge bemálim bolyp tur.

         Sodan soń, aradan 6 aı ótken soń, ıaǵnı 12.03.2019 jyly jábirlenýshi E.Shynybaev Shymkent qalasynyń prokýrorynyń atyna aryzdanyp, onda «Turǵyn úı Shymkent» JShS-niń dırektory M.Mýhambetjan men onyń sybaılastary Idrısov Nýrjanmen Gýlnara esimdi aıel 2016 jyldyń qarasha aıymen 2017 jyldyń tamyz aılary aralyǵynda menen aldaý arqyly 7 000 000 teńge alǵan. Sonymen birge 2018 jyldyń tamyzynda M.Mýhambetjan maǵan N.Idrısov arqyly meni sendirý úshin jalǵan kelisim shartti berdi, oǵan 18.05.2018 jyl degen ótirik data qoıyp berdi», dep kórsetken.

          Qazaqstan Respýblıkasy QPK-niń 187 babynyń 4-1 tarmaǵyna saı, QR QK-niń 190 (ekinshi bóliginde, úshinshi bóliginiń 1),3) jáne 4) tarmaqtarynda, tórtinshi bóliginde) kózdelgen qylmystyq quqyq buzýshylyqtar týraly ister boıynsha aldyn ala tergeýdi ishki ister organdary júrgizedi, dep kórsetilgen.

         Alaıda, osy prosessýaldyq zań normalaryn saqtamaı, óreskel buza otyryp, Shymkent qalasynyń arnaıy prokýratýrasynyń aǵa tergeýshisi B.Narqozıev, osyndaı sanattaǵy quqyq buzýshylyqtar týraly ister boıynsha aldyn ala tergeýdi ishki ister organdary júrgizetindigin jaqsy bile tura, osy iske qyzyǵýshylyq tanytyp, 12.03.2019 -26.04.2019 jyl aralyǵynda zańsyz tergeý amaldaryn júrgizgen.                                                        

         Maǵan, ıaǵnı K.S.Beısembaevaǵa jábirlenýshi E.Shynybaevtan 7,7 mln teńge aqshany alǵany jóninde eshqandaı dáleldeme bolmaǵan soń, maǵan  aıyp taǵý úshin, tergeýshi B.Narqozıevtiń 13.03.2019 jylǵy Shymkent qalasy PD-niń О́QB-niń qyzmetkerlerine K.S.Beısembaevaǵa qatysty jasyryn tergeý áreketterin JTÁ-1 júrgizý týraly jeke tapsyrmasy negizinde, E.Shynybaevpen meniń aramyzdaǵy jazyp alynǵan «Samal» bazaryndaǵy ángimesiniń stenogrammasy, maǵan aıyp taǵýǵa negiz bolyp otyr.

          Alaıda, osy jasyryn júrgizgen jazýdiń stenogrammasynda  jáne Shymkent qalasy boıynsha sot saraptamalary ınstıtýty sarapshylarynyń 15.05.2019 jylǵy №1417 sańdy qorytyndysynda, meniń jábirlenýshi E.Shynybaevtan 7,7 mln teńge aqshany alǵany jóninde, jáne maǵan qatysty múldem eshqandaı ángime joq, dep sanaımyn. 

          Osy jasyryn tergeý áreketiniń JTÁ-1 jazylýy negizinde, maǵan qatysty 10.04.2019 jylǵy tergeýshi B.Narqozıevtiń hattamasy negizinde, QR QK-nyń 190-baby 3-bóligi 1-tarmaǵy boıynsha negizsiz aıyp taǵylyp, ol Shymkent QPB ÝUI-na jabyldym, jáne ol jerde 2 táýlik zańsyz jáne negizsiz abaqta otyrdym.

          Sodan tergeýshi B.Narqozıevtiń 12.04.2019 jylǵy «kepil» túrindegi bultartpaý sharasyn sanksııalaý jónindegi ótinishhatti qozǵaý týraly qaýlysy negizinde, Shymkent qalasynyń mamandandyrylǵan tergeý sotynyń 12.04.2019 jylǵy qaýlysymen maǵan «kepil» bultartpaý sharasy sanksııalanyp qoldanǵan. Sonda, ne sebepten men ózimniń Shymkent qalasynda turǵylyqty mekenjaıy bola tura, buryn sotty bolmaǵan, otbasyly bola tura Shymkent QPB ÝUI-da 2 táýlik ne úshin otyrdym???

          Sondaı-aq, Shymkent qalasy prokýrorynyń birinshi orynbasary M.Sabanshıevtiń 26.04.2019 jylǵy qaýlysymen maǵan K.Beısembaevaǵa qatysty QR QK-nyń 190-baby 3-bóligi 1-tarmaǵymen taǵylǵan aıyp boıynsha №1197900011000007 sańdy qylmystyq is, QR QPK-niń 187 babynyń 4-1 tarmaǵyn boıynsha, QR QPK-niń 193 baby 1 bóligi 12 tarmaǵyna saı, qylmystyq istiń tolyqtyǵy men jan-jaqty tergeý júrgizilýin qamtamasyz etý maqsatynda tergep-tekserýdi Shymkent qalasy PD-ne tapsyrý qajet dep joldaǵan.

         Sonda, Shymkent qalasy prokýrorynyń birinshi orynbasary M.Sabanshıev ne sebepten aldyn ala osy qylmystyq istiń qaralýy ishki ister organdarynyń quzyretine jatadyndyǵyn jaqsy bile ture, jáne 1,5 aı aralyǵynda Shymkent qalasy prokýratýrasynyń tergeýshisi B.Narqozıev zańsyz tergeý amaldaryn júrgizip, qyzyǵýshylyq tanyp otyrma degen suraq týyndap otyr???

         Al endi, osy qylmystyq is Shymkent qalasy QPD-niń TB-niń  tergeýshisi D.Doskýlovtyń óndirisine 02.05.2019 jyly berilgen, sodan ol tek qana 16.05.2019 jyly K.Beısembaevadan qosymsha jaýap alǵan, jáne odan bólek eshqandaı tergeý amaldaryn júrgizbeı, qylmystyq isti sotqa negizsiz joldap otyr.

         Meniń shaǵymym boıynsha tergeýshi D.Doskýlovtyń atalǵan qaýlysy buzilip, is qaıtadan Shymkent qalasy PD-niń TB-niń tergeýshisi N.Rahımovtyń óndirisine berilgen.

  1. Al, endi, istiń máni boıynsha qaraıtyn bolsaq, jábirlenýshi E.Shynybaev aldyn ala tergeý barysynda ár-týrly jaýaptar bergen. Atap aıtqanda M.Mýhambetjanmen 08.04.2019 jyly bettestirý kezindegi hattamaǵa saı, ol 2016 jyldyń qarasha-jeltoqsan aıynda men S.Ospanovtan Shymkent qalasynda qandaı obektiler bar ekenin bilýge keldim, dep kórsetken.

         Sonymen qatar, E.Shynybaevtyń 10.04.2019 jyly menimen bettestirý kezindegi hattamaǵa saı, ol 2016 jyldyń qarasha aıynyń sonynda qudam Ospanov Saken habarlasyp, Shymkent qalasynda tender bar soǵan qatysasyńba dep surady. Sodan jeltoqsan aıynda Shymkent qalasyna keldim, dep kórsetken. Kýlnar maǵan eski úılerdiń syrtyń modernızasııalaý arqyly qurylys jumystaryn júrgizesin dedi. Qatysý úshin ne isteý kerek dedim, Kýlnar aldyn ala aqsha berý kerek dedi. Sol kezde eseptep aldyn ala 5,7 mln. teńge berýim kerek dedi. Sodan Kýlnarǵa jartysyn bereıin dedim. Kýlnar maǵan jartysyn berýge kelisti. Almatyǵa baryp keleıin dedim. Sol kúni Almaty qalasyna shyǵyp kettim. Arasynda bir aptanyń ishinde 2,5 mln. teńgemen Shymkent qalasyna kelip, Taýkehan men Qazybek bı kóshesiniń qııylysynda Toıota Prado avtokóliginde 2,5 mln. teńgeni Kýlnarǵa qolma qol berdim, dep kórsetken.

          Sondaı-aq, E.Shynybaevtyń M.Mýhambetjanmen 08.04.2019 jylǵy bettestirý hattamasynda, ol «Shamamen 1-2 apta ótkennen keıin Kýlnar meniń telfonyma habarlasyp, Shymkent qalasynda obektiler shyǵyp jatyr jumys jasaısyń ba dep surady, jasasań aldyn-ala 2,5 mln. teńge berý kerek dedi. Shamamen 1-2 kúnnen keıin, men Shymkent qalasyna baryp, Kýlnarmen Taýkehan men Qazybek bı kóshesiniń qııylysynda Toıota Prado avtokóliginde 2,5 mln. teńge sommasyndaǵy aqsha qarajatyn 5 000 teńgelik kýpıýralarymen sanap berdim de Almatyǵa ketip qaldym», dep jaýap bergen. Iаǵnı, jábirlenýshi E.Shynybaev eki túrli jaýap berip otyr dep sanaımyn.

          Odan bólek, E.Shynybaevpen M.Mýhambetjan arasyndaǵy bettestirýde «2017 jyldyń qantar aıynda Kýlnar maǵan uıaly telefonyma habarlasyp, kelisim-shart jasaldy, taǵy 2,5 mnl.teńge alyp kel de, kelism shartyńdy alyp ket dedi. Men qýanyp ketip qandaı obekt dep suraǵanda. Ol maǵan 2 úıdiń modernızasııasyn alyp qoıdyq dedi. Meniń bergen 5 mln. teńgemdi «Turǵyn úı Shymkent» JShS-niń dırektory M.Mýhambetjanǵa bergenin aıtti», dep kórsetken.

          Al, endi E.Shynybaevtyń menimen 10.04.2019 jylǵy bettestirýinde, «Sonymen 2017 jyldyń qantar aıynda Kýlnar taǵy da habarlasyp, taǵy da 2,5 mln. teńge  ákep tasta, áıtpese tenderge kezekte turǵan adamdar kóp, ala almaı qalasyn dedi. Sol jartysyn berip qoıǵannan soń, aqsham qaıtpaı qalama, jumys bolmaı qala ma dep oılap, Kýlnarǵa taǵy da 2,5 mln. teńgeni ákep berýge májbúr boldym. 2017 jyldyń qantar aıynda 2,5 mln. teńge ákep berdim», dep kórsetken. 

          Iаǵnı, E.Shynybaevtyń osy bergen jaýaptary bir-birine qarama-qaıshy dep sanaımyn. Odan bólek, E.Shynybaev osy 2017 jyldyń qantar aıynda Shymkent qalasynyń qaı jerinde maǵan, ıaǵnı K.Beısembaevaǵa ekinshi ret 2,5 mln.teńgeni bergenin naqty kórsetpegen???  Iаǵnı, jábirlenýshi E.Shynybaev tarapynan tek qana onyń sózinen bólek, K.Beısembaevanyń odan 5 mln. teńge alǵany jóninde eshqandaı dáleli joq, ol tek qana E.Shynybaevtyń boljamy dep sanaımyn.

          Sondaı-aq, jábirlenýshi E.Shynybaevtyń óziniń tuǵan inisi Shynybaev Baǵlan arqyly 2017 jyldyń shilde aıynyń sonynda meniń qyzym Jýmasheva Kamılaǵa 700 000 teńge bergeni bizde úlken kúmán týdyrady. Sebebi, oǵanda E.Shynybaevpen onyń inisi B.Shynybaevtyń sózinen basqa eshqandaı dálel joq, olda tek qana boljam dep sanaımyn???

          Odan bólek, aldyn-ala tergeý barysynda, ne sebepten E.Shynybaev maǵan, ıaǵnı K.Beısembaevaǵa «eseptep aldyn ala 5,7 mln. teńgeni» ne úshin jáne qandaı tender úshin berý kerektigi múldem anyqtalmaǵan.

           Sonymen qatar, E.Shynybaevtyń maǵan kóshedegi sý júretin kanaldardy tazalaý úshin M.Mýhambetjanǵa 2 mln. teńge berý kerek, sol kúni  1 mln.teńge Kýlnarǵa úıden aqsha alyp shyǵyp berdim. Ertesine Kýlnar taǵy da habarlasyp jolyǵaıyq dedi. Men sol úıde dedim. Sol mekenjaıǵa Kýlnar kelip, 1 mln. teńge az taǵy da 1 mln. teńge berý kerek dedi. Kýlnardiń sózine senip, úıden 1 mln. teńge alyp shyǵyp berdim. Kýlnar aqshany alyp ketti, dep kórsetken.

          Iаǵnı, jábirlenýshi E.Shynybaevtyń maǵan kóshedegi sý júretin kanaldardy tazalaý úshin 2 mln.teńge alǵandyǵyda tek qana onyń sózi boıynsha boljam, jáne ol eshqandaı dáleldememen qýattalmaıdy, dep sanaımyn.

  1. Sondaı-aq, osy qylmystyq is jan-jaqty, obektıvti týrde júrgizilmegen dep sanaımyn. Sebebi, is boıynsha kóp qarama-qaıshylyqtar oryn alyp otyr. Atap aıtqanda, menimen kýá M.Mýhambetjan arasynda, jáne menimen kýá S.Ospanov arasynda bettestirý amaldary júrgizilmegen. Kýá S.Ospanov óziniń jaýabynda K.Beısembaeva E.Shynybaevtan alǵan aqshasyn seriktestiktiń burynǵy dırektory M.Mýhambetjanǵa bergenin maǵan aıtti, dep kórsetken. Alaıda, buǵan onyń sózinen bólek eshqandaı dálel joq.

          Odan bólek, S.Ospanov Shymkent qalasy prokýrorynyń aǵa kómekshisi tergeýshi B.Narkozıevtiń ústinen aryzdanyp, onyń aldyn-ala tergeý barysynda bergen jaýaptaryn búrmalap jazǵandyǵyn kórsetken.

          Sonymen qatar, meniń 18.05.2018 jylǵy «Turǵyn úı Shymkent» JShS-men «Jas talap 2007» JShS-gi arasyndaǵy Shymkent qalasy, Qaratóbe tas joly №38 úıge kúrdeli jóndeý jumystaryn júrgizý úshin 16 180 000 teńge quraıtyn kelisim-shartqa eshqandaı qatysym joq. Sebebi, E.Shynybaev óz jaýabynda osy kelisi-shartty M.Mýhambetjannyń kómekshisi Idrısov Nýrjannan ózi alǵanyn kórsetip otyr. Al, N.Idrısovtan osy qylmystyq is boıynsha jaýap alynbaǵan.

         «Turǵyn úı Shymkent» JShS-niń kázirgi dırektory A.T.Bekjıgıtovtyń 10.04.2019 jyly №150 sańdy jaýap hatynda, «Turǵyn úı Shymkent» JShS-men «Jas talap 2007» JShS-gi arasynda 2017-2018 jyly Shymkent qalasy, Aqnazarhan kóshesi, №47 úıge kúrdeli jóndeý jumystaryn júrgizý úshin úsh jaqty kelisim shart túzilmegen jáne seriktestikke tirkelmegen. Alaıda, avans retinde «Jas talap 2007» JShS-niń esep-shotyna 12.06.2017 jyly 3 300 000 teńge aqsha  aýdarylǵan dep kórsetken.

          Odan bólek, «Jas talap 2007» JShS-men «Turǵyn úı Shymkent» JShS-gi jáne tapsyrys berýshi Shymkent qalasy, Abaı kóshesi, №8 úıiniń kondomınıým obektisiniń basqarý organymen 12.06.2017 jyly kóp qabatty turǵyn úıge jóndeý jumystaryn júrgizý úshin 16 129 290 teńgege kelism-shart túzilip, «Jas talap 2007» JShS-niń esep-shotyna 14 211 926 teńge aýdarylǵan dep kórsetilgen. Iаǵnı, jalpy atalǵan seriktestiktiń esep-shotyna 17 511 926 teńge aýdarylǵan. Alaıda, «Jas talap 2007» JShS-gi tarapynan jóndeý jumystary tolyǵymen oryndalmaǵan.

          Sonda, meniń joǵaryda atalǵan eki obektige qandaı qatysym bar degen suraq týyndaıdy, jáne ne sebepten E.Shynybaev maǵan 5,7 mln. teńgeni para retinde berýi kerek??? Meniń «Turǵyn úı Shymkent» JShS-gi tarapynan «Jas talap 2007» JShS-niń esep-shotyna aýdarǵan 17 511 926 teńge aqshaǵa qandaı qatysym bar??? Sondaı-aq, E.Shynybaevtyń qolynda menen 7,7 mln. teńge aqsha alǵany jóninde eshqandaı qolhat nemese jazba týrde dálel retinde birde-bir qujat joq.

           Osyǵan baılanysty, qurmetti Qasym-Jomart Kemeluly! maǵan, ıaǵnı K.S.Beısembaevaǵa qatysty QR QK-nyń 190-baby 3-bóligi 1-tarmaǵy boıynsha qozǵalǵan №1197900011000007 sańdy qylmystyq isti Qazaqstan Respýblıkasy Prezıdenti retinde óz qadaǵalaýynyzǵa alýynyzdy ótinemin, jáne meniń jábirlenýshi E.Shynybaevtan 7,7 mln. teńge aqsha alǵanynyń dáleldenbeýine baılanysty, QR QPK-niń 35-baby 1-bóligi 2-tarmaǵyna saı, qylmystyq isti toqtatý jóninde nusqaý berýinizdi, sondaı-aq, zań normalalaryn buzǵan tulǵalarǵa tıisti shara qoldanýynyzdy suraımyn.

         

            

Qurmetpen,                                                                                       K.S.Beısembaeva

 

                                                                                                            21.06.2019 j.                                                        ",- delingen qujat kúıinde joldanǵan shaǵymda.

 

О́ziniń quqyǵy buzylǵandyǵyn alǵa tartqan qyz prezıdent Toqaevtan kómek suraıdy.

Osyǵan baılanysty Kúlnar Beısembaevanyń qorǵaýshysy Karımjan Rejametov Shymkent qalasy QPD-niń TB-niń aǵa tergeýshisi polısııa kapıtany N.Rahımovke de ótinish hat joldaǵan.

v

a

a

О́tinish hatta kórsetilgendeı, anasy men qyzynyń ústinen jemqorlyqqa qatysy bar degen aıyppen qylmystyq is qozǵalyp otyr. Ádildikti talap etken olar 7,7 mıllıon teńge aldy degen sózdiń dálelsiz ekendigin alǵa tartady.

Osyǵan oraı, Qamshy.kz aqparat agenttigi  Bas prokýratýradan, ekinshi tarap Shymkent qalasy prokýratýrasynan resmı jaýap kútedi., 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir