Májilis Tóraǵasy Nurlan Nyǵmatýlın Abaıdyń 175 jyldyq mereıtoıyna oraı uıymdastyrylǵan chelendjdi qoldady dep habarlaıdy Qamshy.kz aqparat agenttigi.
Palata Spıkeri estafetany halyqtyń súıiktisi, búkil álemge qazaq mádenıetin tanytqan, aty ańyzǵa aınalǵan opera ánshisi Bıbigúl Tólegenovadan qabyldady.
Nurlan Nyǵmatýlın Uly Abaı búginde tek qazaq halqymyz ǵana emes, búkil álem úshin de kemeńger tulǵaǵa aınalǵanyn aıtyp, Abaı atamyzdyń óleńderi, Abaıdyń «Qara sózderi» adam balasyn erinbeı eńbek etýge, berekeli ómir súrýge, ónerli, bilimdi jáne qaıyrymdy bolýǵa shaqyratynyna nazar aýdardy.
«Osy jolda Uly aqynnyń urpaqqa qaldyrǵan ósıet sózderi eshqashan eskirmeıtin jáne taýsylmaıtyn mol qazyna. Sonymen birge, egemen elimizdiń damý jolynda rýhanı tirek bolatyn altyn muramyz. Sondyqtan, qansha jyldar, qansha ǵasyrlar ótse de Abaı shyǵarmalary árqashanda mańyzdy» - dedi Májilis Tóraǵasy.
N. Nyǵmatýlın búginde dúnıe júzine taralǵan Abaı estafetasy júregi elim dep, jerim dep soǵatyn árbir azamatqa rýh beretin, jiger beretin erekshe bastama dep esepteımin, - dedi.
Palata Spıkeri N. Nyǵmatýlın Abaı Qunanbaıulynyń óleńin oqyp, bul mańyzdy sharany odan ári jalǵastyrý úshin ózbekstandyq áriptesi О́zbekstan Parlamentiniń Spıkeri, О́zbekstan Olıı Majlısiniń Zań shyǵarý palatasynyń Tóraǵasy - Nýrdınjon Ismoılovke joldady.
Aıta ketý kerek, aksııanyń maqsaty - qazaqtyń Uly aqyny Abaı Qunanbaevtyń shyǵarmalarynan úzindi oqý.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir