01 Tamyz, 2019 Túrkistan oblysy

Búgin Arys qalasyna Jambyl oblystyq máslıhatttyń hatshysy Baǵlan Qarasholaqov bastaǵan máslıhat depýtattary, Qoǵamdyq jáne Aqsaqaldar keńesiniń tóraǵalary men músheleri arnaıy kelip, qalany qalpyna keltirý sharalarymen tanysty dep jazady Qamshy.kz aqparat agenttigi.

Olar oryn alǵan tótenshe jaǵdaıdyń zardaptaryn joıý boıynsha oblys shtabynyń jumystaryn kózben kórip, óńirge tıesili 3-sektordaǵy qurylys barysyn jan-jaqty barlady. Sondaı-aq, sapar barysynda halyq qalaýlylary jergilikti turǵyndarmen kezdesip, hal-jaǵdaı surasyp, mal soıyp, qudaıy taratty.

Aıta keteıik, búginde Arys qalasyn qalpyna keltirý sharalary qarqyndy atqarylýda desek, ondaǵy jambyldyq qurylysshylardyń jumysy jemisti deýge tolyq negiz bar. Nátıjesinde, búginde oblysqa tıesili bólinistegi 190 jeke turǵyn úıdi tolyǵymen jóndep, paıdalanýǵa berip úlgerdi. Al, 120 úı boıynsha qalpyna keltirý jumystary úzdiksiz júrgizilýde. Onda 4 merdiger mekemeniń 500-den astam qurylysshysy eńbek etýde. Barlyǵy 20-dan astam tehnıka jumyldyrylǵan.

Eske sala keteıik, Arys qalasyn qalpyna keltirýge baǵyttalǵan Jambyl oblysynyń shtabyna qarasty 3-sektorǵa 11 kóshe bekitilgen. Onda 312 jeke turǵyn úımen birge 14 áleýmettik jáne kommersııalyq nysan bary anyqtalǵan. Zerdeleýden ótken jeke turǵyn úıdiń barlyǵynyń aqaý aktileri toltyrylyp, smetalaý jumystary jasalǵan. Qıraǵan 3 úıdiń ekeýi basynan boı kóterip, bireýi tolyq jańǵyrtylatyn bolady. Qalǵan úılerge kúrdeli jóndeý jumystaryn júrgizý josparlanǵan.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir