Jambylda áleýmetik sala men bilim salasy basty nazarda

Jambyl oblysynda eń tómengi jalaqy mólsheri 1,5 esege ósken.  Bul týraly oblys ákimi  Asqar Myrzahmetov oblystyq máslıhattyń kezekten tys ótken sessııasynda jasaǵan baıandamasynda aıtty.

Oblys ákimniń aıtýynsha, Jambylda eń tómengi jalaqy mólsheri 1,5 esege (28 myń teńgeden 42 myńǵa deıin) ósip, bıýdjettik mekemelerdegi 32,6 myń qyzmetkerdiń jáne 4531 (barlyǵy 8781) jeke sektordaǵy 70 myńǵa jýyq jumyskerdiń jalaqysy (44,2 myń teńgeden 53,6 myńǵa, 21,2 paıyzǵa) artqan.

«Esepti kezeńde 9264 jańa jumys orny ashyldy (jospar –12147). Bul jospardyń 76 paıyzyn qurady.

Shaǵyn bıznes bastamalardy iske asyrý úshin 1783 adamǵa qaıtarymsyz memlekettik grant berýge 890 mıllıon teńge (200 AEK – 505 myń teńgeden) bólindi. Onyń  309 mıllıon teńgesi 611 kópbalaly otbasyna qarastyryldy.

Ataýly áleýmettik kómek alýshylar sany 2,2 ese ósip, 32 myń otbasyn qurady (162 myń adam, 2018 jyly – 15 myń otbasy — 74,5 myń adam) (6,7 mıllıard teńge. tólendi, jyl sońyna deıin 21,2 mıllıard teńge tólenýi qajet)», – dedi oblys ákimi.

Sonymen qatar, aımaq basshysy Jambyldaǵy bilim salasynda da oryn alyp jatqan oń ózgeristerdi tilge tıek etti.

«Bilim salasynda 15 jekemenshik mektepke deıingi uıymdar ashyldy. Nátıjesinde, 3 pen 6 jas aralyǵyndaǵy balalardy qamtý úlesi 98,6 paıyzǵa jetti. Jyl sońyna deıin áli 12 balabaqsha ashylatyn bolady.

12 bilim nysanynyń qurylysy júrgizilýde, búgingi naqtylaýda qosymsha 5 mekteptiń qurylysyn bastaýǵa qarjy qarastyrylmaq. Nátıjesinde oblystaǵy 4 apatty, 1 úsh aýsymdy jáne oryn tapshylyǵy bar 5 mekteptiń máselesi sheshiledi. Qalǵan 2 appatty mektep máselesi 2020 jyly sheshiledi, 3 aýsymdy mektep bıyl tolyq sheshiledi.

Ulttyq biryńǵaı test nátıjesi ortasha 90,7 ball qurady, bul 2018 jylǵa qaraǵanda 1,3 balǵa joǵary (2018 jyly – 89,4).

Mekteptegi 28 myń balanyń ystyq tamaǵyna qosymsha 305 mıllıon teńge bólinip, 2 mıllıard teńgege, 21 myńnan asa balanyń kıim keshegi jáne keńse taýarlaryn alýǵa 410 mıllıon teńge bólinip, 700 mıllıon teńgege jetti.

Áleýmettik sanattaǵy 75 myń balany jazǵy saýyqtyrý lagerimen qamtýǵa 314 mıllıon teńge bólinip otyr. Jalpy meje 213 myń bala. Sonymen birge, Arys qalasynyń 223 balasy oblystyń saýyqtyrý lagerlerinde jazǵy demalysyn ótkizýde.

Kolledjderde grantqa 13 myńnan astam stýdent tegin bilim alýda, onyń 50 paıyzy (6081)kópbalaly jáne az qamsyzdandyrylǵan otbasynan. 2,1 mıllıard teńge – oqýǵa, 1,1 mıllıard teńge – stıpendııaǵa, 600 mıllıon teńge tamaqtanýǵa bólindi», – dedi Asqar Myrzahmetov.

Qýanysh Keýilimjaı