• USD 378.65
  • EUR 430.07
  • RUB 6
  • CNY 55.1
26 Tamyz, 05:07:40
Qoryqshylardyń materıaldyq-tehnıkalyq bazasy kúsheıtiledi

18 Shilde, 2019 Aımaqtar

Jambylda ekonomıkanyń ósimi - 103,8 paıyzdy qurap otyr

Jambyl oblysda aǵymdaǵy jyldyń jarty jylynda ekonomıkanyń ósýi – 103,8 paıyzdy qurap otyr. Bul týraly oblys ákimi  Asqar Myrzahmetov oblystyq máslıhattyń kezekten tys ótken sessııasynda aǵymdaǵy jyldyń alǵashqy jartyjyldyǵyna bergen esebinde baıandady.

«О́nerkásip óndirisiniń kólemi 3 paıyzǵa, óńdeý ónerkásibi 5,4 paıyzǵa ósti. Negizgi kapıtalǵa salynǵan ınvestısııa 12,7 paıyzǵa artty. Osy oraıda bıýdjetten tartylǵan ınvestısııa azaıyp, jeke sektordyń úlesi kóbeıip kele jatqanyn aıtýǵa bolady. Esepti kezeńde 17 mıllıard teńgege 7 joba iske qosyldy. Jyl sońyna deıin 46 mıllıard teńgege 9 joba iske asyrylady. 32,2 mıllıard teńgege baǵalanǵan 2 joba shetel ınvestorlarynyń qatysýymen atqarylady. Olar – «Kaz-ir Agro» JShS-niń (Iran) «Saflor maıyn shyǵarý zaýytyn keńeıtý» jáne «M-KATGREEN» (Fransııa) kompanııasynyń «Kún elektr stansasynyń qurylysy men paıdalanýy» jobalary.

Bólshek saýda 104,3 paıyzdykóterme saýda 109,8 paıyzdy qurady.

Inflıasııa deńgeıi (2018 jyldyń jeltoqsanyna) 102,3 paıyz. Bul respýblıkalyq orta kórsetkishten tómen.

Aýyl sharýashylyǵynyń ónimi – 103,8 paıyz, ıaǵnı 2 myń gektarǵa artyp, 670 myń gektarǵa jetti. Egin orý ótken jyldan 60 paıyzǵa joǵary (2018 jyly – 39,5 myń, 2019 jyly – 64,7 myń gektar).

О́tken jyly qurylǵan mehotrıad 99 shaqyrym kanaldardy tazalap (27 kanal, 5 sý qoımasy), 6,6 myń gektar sýarmaly jer qalpyna keltirildi, – dedi oblys ákimi Asqar Isabekuly.

Sondaı-aq, bıyl táýligine 8 myń tonna qant qyzylshasyn óńdeıtin qant zaýytynyń qurylysy tamyz aıynda bastalmaq. Joba Shý aýdanyndaǵy arnaıy ekonomıkalyq aımaqta salynady.

Oblysta qurylys kólemi 12,4 paıyzǵa ósip, 226 myń sharshy metr turǵyn úı paıdalanýǵa berilip, 6,2 paıyzǵa artty. Onyń ishinde 260 páter kópbalaly jáne az qamsyzdandyrylǵan otbasylaryna berildi. Budan basqa, demeýshiler esebinen 24 otbasy turǵyn úımen qamtamasyz etildi.

Baspanaǵa muqtaj az qamtylǵan jáne kópbalaly otbasylaryn turǵyn-úı kezegi jetkenge deıin jatahanamen qamtý úshin Taraz qalasynjda arnaıy 8 jataqhananyń qurylysy bastaldy.

Jeke turǵyn úı qurylysyna 2877 jer telimi beriledi. Budan bólek, tek elektr qýatyn tarta otyryp 17 alqapta 3722 jer telimin berý qarastyrylyp jatyr.

Qýanysh Keýilimjaı

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir