• USD 468.56

  • EUR 497.56

  • RUB 7.3

  • CNY 67.18

29 Naýryz, 08:50:59
Almaty
+35°

Jambyl oblysynda turǵyndardyń áleýmettik, ekonomıkalyq jaǵdaıyn jaqsartýǵa baǵyttalǵan pılottyq joba qolǵa alynyp jatyr.

Bul jobanyń basty maqsaty – qıyn jaǵdaıda júrgen adamdarǵa, otbasylarǵa áleýmettik qyzmetter men áleýmettik kómek kórsetýdiń yqpaldastyrylǵan úlgisin engizý boıynsha keshendi túrde kómek kórsetý. Osy maqsatta vedomstvoaralyq komıssııa qurylǵan.

Tarazda atalǵan vedomstvoaralyq komıssııanyń alǵashqy otyrysy ótti. Onda top músheleri ár otbasynyń jaǵdaıyn jete talqylap, qandaı kómektiń shynaıy paıdasy tıetinin zerdeledi. Sonyń nátıjesinde, oblysta ómirlik qıyn jaǵdaıdaǵy 12 otbasy anyqtalǵan. Jumysshy toptyń alǵashqy otyrysynda keshendi kómek kórsetýge alynǵan 12 otbasynyń ishinen tórteýiniń jeke josparlary jan-jaqty qaraldy. Jalpy, qurylǵan jumysshy toptyń quramynda jumyspen qamtý, bilim berý, quqyq qorǵaý organdary, halyqty áleýmettik qorǵaý, densaýlyq saqtaý salalarynyń ókilderi bar

Jıynda olarǵa kórsetiletin  kómek boıynsha baǵdarlamalar jan-jaqty talqylandy. Bul otbasylardaǵy basty másele – baspanasy joq, balabaqshaǵa ornalastyrylmaǵan kishkentaı balalary, densaýlyqtaryna baılanysty máseleleri bar. Taǵy osy sekildi jaǵdaılaryna qaraı olarǵa jan-jaqty kómek kórsetiletin bolady.

Jaǵdaıy qıyn dep baǵalanǵan 12 otbasynyń keıbirniń, tipti, turǵylyqty tirkelgen mekenjaıy da, baspana, jumysy da joq. Aralarynda tozyǵy jetken barak tıptes úıde turatyndar da bar. Tipti, keıbiriniń bundaı úıleri de óz ıelikterinde emes eken.Al qıyn jaǵdaıdaǵy taǵy bir otbasy 5 balasymen qoımada turyp jatyr. Otaǵasy sol jerdiń qaraýyly bolǵandyqtan, aýmaǵy 12 sharshy metr jalǵyz bólmede 7 adam kúneltýde. Edeni beton, syz, sýyq bólmede múlikten jalǵyz kereýet bar. О́zgeleri syz tartqan tas edende jatyp uıyqtaıdy. Balalardyń anasy bala kútimine aı saıyn 20 myń teńge, kópbalaly otbasy retinde 10000 teńge alady. Osydan basqa túsip turǵan tabys joq.

Atalǵan qıyn jaǵdaıǵa dýshar bolǵan otbasylarǵa tıisti járdemaqy alýlaryna jáne balalarynyń balabaqshaǵa qabyldanyp, eresekteriniń jumysqa turýyna jáne densaýlyqtaryn kútýlerine pılottyq joba aıasynda barynsha kómek kórsetilmek.

Qýanysh Keýilimjaı 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir