• USD 468.56

  • EUR 497.56

  • RUB 7.3

  • CNY 67.18

28 Naýryz, 19:07:32
Almaty
+35°

Jambyl oblysynda halyqtyń tabysyn kóterip, turmysyn jaqsartý durys jolǵa qoılyp, arnaıy josparlar boıynsha jumystar júrgizilip jatyr. Bul týraly oblys ákimi  Asqar Myrzahmetov oblystyq máslıhattyń kezekten tys ótken sessııasynda aıtty. Asqar Isabekuly osy jınyda oblysta osy jyldyń jartyjyldyǵynda atqarylǵan jumystaryn qorytyndylap, esep berdi.

«Búgingi kúnniń eń ózekti máselesi halyqtyń tabysyn kóterip, turmysyn jaqsartý bolyp otyr. Sol sebepten jańa saılanǵan Respýblıka Prezıdenti óziniń ulyqtaý rásiminde de jáne jýyrdaǵy Úkimettiń keńeıtilgen otyrysynda da osy máseleni erekshe atap ótti.Biz oblysymyzda osy maqsatqa qol jetkizýdiń joldaryn, tetigin anyqtadyq.

О́ńirde 1 mıllıon 125 myń adam turady, onyń 680 myńy, ıaǵnı 60 paıyzy aýylda shoǵyrlanǵan. Endi halyqty barynsha qamtý, ári osy máseleni tıimdi sheshý úshin ne isteý kerek? Qoldanystaǵy baǵdarlamalar jylyna orta eseppen 35-37 myń adamdy ǵana qamtıdy.

Osy oraıda osynshama halyqtyń aýyldy jerde turatyndyǵy – ol bizdiń úlken múmkinshiligimiz. Sebebi, árbir aýyldyq aýla shyn máninde – tabys kózi.

Bunyń birden bir dáleli oblystaǵy aýyl sharýashylyǵy ónimderi kóleminiń 43 paıyzy jeke qosalqy sharýashylyqtarǵa tıesili. Al sút pen ettiń 60 paıyzy úı irgesindegi maldan óndiriledi.

Budan bólek, keıbir aýlalardyń tabysy aıyna 500 myń teńgeni qurap, jylyna 4-6 mıllıon teńgege jetip otyr. Bul memlekettik qoldaýsyz. Qajetti qoldaý kórsetken jaǵdaıda, tabys ulǵaıa túspek. Al qazirgi ýaqytta oblys boıynsha JQSh-nyń ortasha tabysy aıyna 25-30 myń teńgeden aspaıdy. Sebebi – uıymdastyrý máseleleriniń, aıtalyq, ónimdi ortalyqtandyrylǵan túrde satyp alýdyń, saqtaýdyń, alǵashqy óńdeýdiń, tasymaldaýdyń, mal azyǵynyń jetispeýshiliginiń, azyn-aýlaq qarajattyń bolmaýynyń sheshilmegendigi.

Sondyqtan da, birinshi kezekte qosalqy sharýashylyqtarǵa baǵyttalǵan memlekettik saıasatty qalyptastyra otyryp, tıisti qoldaý kórsetse, kóterilip otyrǵan máseleden bólek, basqa da mańyzdy suraqtar sheshimin tapqan bolar edi. Mysaly, aýyl sharýashylyǵy ónimin eselep kóterý, qaıta óńdeýdi damytý, ımportty almastyrý, azyq-túlik baǵasyn tómendetý, jumyssyzdyqpen tıimdi kúresý, áleýmettik kómekke júginýshilerdiń sanyn azaıtý, jalpy aýyldyń ál-aýqatyn kóterýge jol ashylǵan bolar edi» – dedi Asqar Myrzahmetov óz esebinde.

Qýanysh Keýilimjaı

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir