• USD 378.65
  • EUR 430.07
  • RUB 6
  • CNY 55.1
21 Tamyz, 07:24:44
Alpınısterdiń naqty qaı jerde ekeni áli belgisiz

12 Shilde, 2019 Almaty oblysy

Almaty oblysynyń tabıǵat qorǵaý polısııasy bir táýlik ishinde birqatar quqyq buzýshylyqty áshkereledi

Almaty oblysynyń tártip saqshylary arnaıy is-shara barysynda atýǵa tyıym salynǵan buǵy ańyn atyp alý deregin anyqtady.

«Kegen aýdanyna qarasty «Ekiasha» jaılaýynda 39 jastaǵy aýyl turǵynynyń ÝAZ avtokóliginen jabaıy ańnyń eti men terisi tabyldy. Kúdiktiniń aıtýynsha, ol buǵynyń eti, múıizi men terisi ekeni belgili boldy. Ańnyń eti, múıizi men terisi tárkilenip, saraptamaǵa joldandy»,- dep habarlaıdy Almaty oblysy PD Tabıǵat qorǵaý polısııasynyń ınspektory Baǵlan Rymjanov. et

Sonymen qatar, Eskeldi aýdanynyń polıseıleri de tabıǵat qorǵaý zańnamasyn óreskel buzǵan jergilikti turǵynnyń isin áshkere qyldy. Joǵalý qaýpi tóngen ósimdikterdi jınady degen kúdikke ilingen 38 jastaǵy turǵynnyń úıinen jalpy salmaǵy 32 kılogramm bolatyn «pıaý» tamyry tabylyp, tárkilendi. Tergeý barysynda qyzyl kitapqa engizilgen tamyrdy ol «Myńbulaq» atty taýdan emdik maqsatta paıdalaný úshin qazyp alǵany anyqtaldy.

Qazirgi ýaqytta atalǵan derekter boıynsha sotqa deıingi tergeý amaldary júrgizilýde. Saraptama qorıtyndysyna sáıkes memleketke keltirilgen materıaldyq shyǵyndar anyqtalatyn bolady. Kúdikti tulǵalar tergeý barysynda mekenjaıyn ózgertpeý týraly mindettememen bosatyldy. et

Polısııa ókiliniń aqparatyna sáıkes, Balqash aýdanynyń tártip saqshylary tabıǵat qorǵaý organdarymen birlese otyryp, bir táýlik ishinde zańsyz balyq aýlaýdyń eki deregin anyqtaǵan. Qaraǵandy oblysynyń 26 jáne 29 jastaǵy eki turǵynynan plastıkalyq qaıyq, tıisti qozǵaltqysh motorlar, 500 metrlik balyq aýlary jáne 150 kılogramǵa jýyq balyq tárkilendi. Eki derek boıynsha memleketke 1 mıllıon 300 myńnan astam materıaldyq shyǵyn keltirilgeni anyqtaldy.

«2019 jyldyń I jartyjyldyǵy ishinde oblysta polıseıler tabıǵat qorǵaý zańnamasynyń talaptaryn buzýdyń 749 deregi áshkerelep, onyń                      257 deregi boıynsha qylmystyq is qozǵaǵan. Ákimshilik hattama toltyrylǵan 492 tulǵaǵa 3 456 350 teńge aıyppul saldy»,- dep tolyqtyrdy Almaty oblysy PD baspasóz qyzmeti. et

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir