• USD 378.65
  • EUR 430.07
  • RUB 6
  • CNY 55.1
26 Tamyz, 16:04:10
Nyǵmatýlın Parlamenttiń qos palatasyn birlesken otyrysqa shaqyrdy

01 Tamyz, 2019 Aımaqtar

Shymkenttiń jańa ákimi qala aktıvimen alǵashqy jınalysyn ótkizdi

Ákim turǵyndardyń máselelerin jedel ári sapaly sheshý maqsatynda aýdan ákimderiniń quzyretterin zań aıasynda keńeıtý qajettigin atady.

Shymkent qalasynyń ákimi Erlan Aıtahanov 31 shilde kúni alǵashqy jınalysyn ótkizdi Qamshy.kz aqparat agenttigi ákimdik saıtyna silteme jasap. Megapolıs ákimi májilistiń basynda aýdandardyń jáne basqarmalardyń jumys baǵyttarymen tanysty.

Erlan Qýanyshuly eń ózekti máselelerdiń biri retinde qalanyń shalǵaı eldimekenderin damytý qajettigin basyp aıtty. Qajet ınfraqurylymnyń, atap aıtqanda, sapaly aýyzsý, gazben jabdyqtaý, elektr qýaty, jol, káriz júıeleriniń jetkiliksizdigi máselesin júıeli túrde sheshýdi talap etti. Kelesi jyldyń basymdy baǵyty retinde qalanyń shalǵaı eldimekenderin damytýdy aıqyndady.

"Jergilikti bılik, qalanyń ár turǵynyna, olardyń turǵylyqty mekenjaıyna qaramastan birdeı jaǵdaı jasaýy qajet, ıaǵnı, ómir súrýge qolaıly ári qaýipsiz orta qalyptastyrý, bul - Elbasymyz jáne Prezıdentimizdiń ákimderge qoıǵan basty talaby", - dep ashyp aıtty Erlan Qýanyshuly.

erlan aıtahanov

Ákim, sonymen qatar, turǵyndardyń máselelerin jedel ári sapaly sheshý maqsatynda aýdan ákimderiniń quzyretterin zań aıasynda keńeıtý qajettigin atady.

"Aýdan ákimderine halyq muń-muqtajyn aıtyp keledi, al ákimderde ony sheshetin ne quzireti joq, ne qarajaty joq. Halyq aýdan ákimine Prezıdenttiń ókili dep senip, úmit artyp keledi. Olar qarapaıym máseleni sheshe almasa, halyqtyń bılikke degen senimi joǵalady", - dep málimdedi ákim.

Osyǵan oraı qaladaǵy negizgi jobalardy aýdan ákimderimen aldyn ala kelisýdi tapsyrdy. Buǵan qosa bıýdjettiń tıimsiz josparlaný faktilerin atap, bıýdjet shyǵyndaryn ishki rezervterdi paıdalana otyryp, tez arada ońtaılandyrýdy tapsyrdy. Qala basshysy, sonymen qatar, ataýly áleýmettik kómek kórsetý sapasyn arttyrý boıynsha júıeli tapsyrmalar berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir