05 Shilde, 2019 Mańǵystaý oblysy
Jańa keshen Mańǵystaý aýylyndaǵy «Besshoqy» turǵyn úı massıvinde ornalasqan. Investorlar qarjysyna salynǵan 160 kórermenge arnalǵan dene shynyqtyrý-saýyqtyrý kesheni Elorda kúnine oraı paıdalanýǵa berildi. Investory – «Nort Kaspıan Opereıtıng kompanı N.V» (NKOK). Bul nysan kompanııanyń áleýmettik-ınfraqurylymdyq jobalaryn júzege asyrý sheńberinde boı kóterdi.
Keshenniń ashylý rásimine oblys ákimi Serikbaı Trumov qatysyp, aýyl jastary men sportshylardy Elorda kúnimen quttyqtady. 
Osylaısha Elorda kúni qarsańynda munaılylyqtarǵa «NKOK» kompanııasy kezekti syılyǵyn jasady. Kompanııa buǵan deıin bıýdjet salasy qyzmetkerlerine arnalǵan 100 oryndyq jataqhana men syıymdylyǵy 500 oryndyq kitaphanasymen birge Mádenıet úıin salyp bergen bolatyn.
160 kórermenge arnalǵan dene shynyqtyrý-saýyqtyrý kesheniniń ǵımaraty 2 qabattan turady. Qarjylandyrý kólemi – 466,187 mln. teńge. Qurylys 2018 jyldyń mamyr aıynda bastaldy. Nysannyń jalpy aýdany 1307,4 sharshy metrdi quraıdy. Sport kesheninde fýtbol, voleıbol, basketbol, ústel tennısi, gandbol, jeńil atletıka, kúres, dzıýdo, armrestlıngpen shuǵyldanýǵa bolady. Ǵımarattyń syrty jaraqtandyrylǵan jáne kógaldandyrylǵan. Oıyn alańdary talapqa saı jabdyqtalǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir