• USD 378.65
  • EUR 430.07
  • RUB 6
  • CNY 55.1
26 Tamyz, 05:12:13
Qoryqshylardyń materıaldyq-tehnıkalyq bazasy kúsheıtiledi

01 Shilde, 2019 Mańǵystaý oblysy

Aqtaýlyq oqýshylar Taldyqorǵandaǵy tarıhı-ólketaný ekspedısııasyna qatysty

Aqtaý qalasyndaǵy Nazarbaev Zııatkerlik mektebiniń 11 «N» synyp oqýshylary «Týǵan elge taǵzym» tarıhı-ólketaný ekspedısııasy aıasynda tabıǵaty sulý Jetisý óńirine saıahattap qaıtty. «Nazarbaev Zııatkerlik mektepteri» derbes bilim berý uıymynyń patrıottyq jobasy 16-23 maýsym aralyǵynda uıymdastyryldy.

 «Talaılardy tamsandyrǵan, tal besigim –Taldyqorǵan» atty taqyryppen bastalǵan ekspedısııaǵa Aqtaýdaǵy bilim ordasynan «Qaraqııa» shańyraǵynyń 12 oqýshysy jáne Astana qalasyndaǵy mektep oqýshylary qatysty.

Ekspedısııa barysynda balalar ejelgi petroglıftermen tanysý maqsatynda Tamǵaly tas taýlaryna, «Sharyn» shatqaly men ataqty Kólsaı kólderin tamashalady.

-  Bul joba týǵan jerdiń tabıǵaty men ár óńirdiń ereksheligin túsindirgen sapar boldy. Kólsaı kólderine sapar óte uzaqqa sozyldy. Qatty sharshaǵanymyzben Kólsaı kóliniń ásemdigin, boıyna jınaǵan tylsym kúshin sezingende qatty tańǵalyp, elimiz úshin keýdemizdi maqtanysh kernedi. Tipti sol jerden ketkimiz kelmeı qaldy. Bul sapardy eshqashan umytpaımyn, - deıdi Gúldana Súleımenova alǵan áserimen bólisip.

Joba barysynda oqýshylar «Cherkasaı» shatqaly men sarqyramasyn tamashalap, flora, faýnasymen, tipti janýarlarymen de tanysty.

Aptanyń ekinshi jartysy Almaty oblysynyń tynysymen etene jaqyn tanysýmen jalǵasty. Oqýshylar AO «Azııa-Elektrık» jáne kólik akkýmýlıatorlaryn óndiretin «Kaınar – AKB» mekemesine baryp, óndiriletin ónimderdi óz kózderimen kórdi. Sondaı-aq Taldyqorǵandaǵy memlekettik arhıvte shań basqan qujattarmen jumys isteýdi úırendi.

- О́lketaný-zertteý ekspedısııasyn uıymdastyrýdaǵy negizgi maqsat memleketimizdiń tarıhyna zııatkerlerdi tereń úńiltý. Bul turǵydan Taldyqorǵandaǵy arhıvke barǵanymyz óte qyzyqty boldy. Balalar derekterge qyzyǵýshylyq tanytyp, kóptegen suraqtaryna jaýap aldy, - deıdi saparǵa attanǵan tarıh páni muǵalimi Sholpan Samenova.

Aıta keteıik, «Týǵan elge taǵzym» is-áreketti zertteý baǵytyndaǵy ólketanýlyq ekspedısııa  2012 jyldan beri uıymdastyrylyp keledi. Zııatkerlik mektepterdiń ózara marshrýt almasý arqyly Qazaqstan aımaqtarymen tanysyp, zertteý júrgizýi bul bilim berý saparynyń ereksheligi bolyp tabylady. Ekspedısııaǵa ár aımaqtyń 7, 8, 9, 10 synyptarynan oqý barysynda, shyǵarmashylyqta, sporttyq sharalardaǵy jetistikteri úshin tańdalǵan oqýshylar qatysady.

 

Ilmek sózder: mańǵystaý oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir