• USD 378.65
  • EUR 430.07
  • RUB 6
  • CNY 55.1
26 Tamyz, 16:19:57
Nyǵmatýlın Parlamenttiń qos palatasyn birlesken otyrysqa shaqyrdy

01 Shilde, 2019 Mańǵystaý oblysy

Aýyl kásipkeri ádildikke qol jetkizdi

Mańǵystaý oblysy Munaıly aýdanynyń jeke kásipkeri Ǵalııa Zulharnaeva kásipkerlik quqyǵynyń buzylǵanyna shaǵymdanyp, óńirlik kásipkerler palatasynan kómek surady.

Jeke kásipker 2012 jyly Munaıly aýdany, Mańǵystaý selosynankólemi  0,1089 ga jer telimin satyp alǵan. 2016 jyly Mańǵystaý aýyly ákiminiń jer teliminiń nysanaly maqsatyn balabaqsha qurylysyn salýǵa ózgertý týraly sheshimi negizinde «Aqmarjan Munaıly» balabaqshasynyń ǵımaratyn salyp, iske qosady.

Sóıtip Mańǵystaý aýyly ákiminiń sheshimi jáne «Munaıly aýdandyq sáýlet jáne qurylys bólimi» memlekettik mekemesiniń buıryǵymen  satyp alý-satý kelisim sharty jasaqtalyp, jer telimi úsh jylǵa(2018, 2019, 2020 j.) kadastrlyq qunyn bólip tóleýmen, jeke menshikke beriledi.

Isker 2017 jylǵa belgilengen qarjyny tolyq tóleıdi. Alaıda 2018 jyly kásipkerdiń belgili sebeptermen oblys aýmaǵynda bolmaýyna baılanysty tólemaqy der kezinde aýdarylmaıdy. Sol jyldyń shildesinde «Munaıly aýdandyq saýlet jáne qurylys bólimi» memlekettik mekemesi aýdandyq sotqa talap aryz berip, qarjynyń kestege saı ýaqytynda tólenbeýi saldarynan satyp alý-satý kelisim shartyn buzýdy suraǵan jáne sottyń 20 tamyz 2018 jylǵy sheshimimen bul talap aryz qanaǵattandyrylǵan. Sot sheshimi zańdy kúshine engen jáne oǵan taraptar apellıasııalyq shaǵym keltirmegen.

Qazirgi kezde sot sheshimine apellıasııalyq shaǵym keltirý múmkindigi ótip ketti. Belgilengen ýaqyttyń ozýyna baılanysty kassasııalyq satyǵa da shaǵym keltirýge bolmaıdy. Qaıtpek kerek?

Al, «Aqmarjan Munaıly» balabaqshasy 2017 jyldyń qańtarynan bastap 60 búldirshindi tárbıelep keledi. Olardyń 45-i memlekettik tapsyrys negizinde júzege asýda. Onda 27 maman jumyspen qamtylyp otyr.

Sot sheshimi negizinde bóbekjaı qyzmetin toqtatar bolsa, balalar kútimsiz, tárbıeshiler jumyssyz qalyp, balalardyń ata-analarynyń jumysqa shyǵýyna kedergi kelip, onyń saldary narazylyq aksııasyn týǵyzýy ábden múmkin edi.

Osy jaǵdaılardy eskere otyryp óńirlik «Atameken» kásipkerler palatasy«Bıznestiń jol kartasy 2020» biryńǵaı baǵdarlamasy, Qazaqstan Respýblıkasy Prezıdentiniń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Qazaqstan halqyna Joldaýyn, onyń ishinde   jalpy eldiń ornyqty ekonomıkalyq damýyn qamtamasyz etý barysynda jeke kásipkerlikti, eń aldymen, shaǵyn jáne orta bıznes deńgeıine yqpalyn tıgizetin básekelestikti damytý, ishki suranystyń ımportqa táýelsizdigin qamtamasyz etý, jumyssyzdyq, kedeıshilik jáne basqa da problemalardy sheshý qajettigi týraly talaptaryn eskere otyryp, osy máseleni, barlyq múddeli organdardyń ýákilderiniń qatynasýymen, dóńgelek ústel otyrysynda talqylap, eki jaqty memorandým aıasynda belgili bir toqtamǵa kelý týraly aýdan ákimdigine hat joldady.

Mańǵystaý oblysy kásipkerler palatasy dırektorynyń orynbasary Ámirǵalı Janaev: «Osy oraıda taǵy bir eskeretin jaıt, Mańǵystaý aýylynyń ákimi 23 qańtar 2018 jyly jeke kásipker Zulharnaeva Ǵalııanyń jer teliminiń nysanaly maqsatyn ózgertý týraly sheshiminiń kúshin joıý týraly qaýly qabyldaǵan.Alaıda, aýyl ákiminiń bul áreketi zań talaptaryna qaıshy kelgen. Sebebi: jer teliminiń nysanaly maqsatyn ózgertý satysynda aýdan ákimi janyndaǵy jer komıssııasynyń qorytyndy sheshimi negizinde ákim 2016 jyly qaýly qabyldaǵan, al onyń kúshin joıý úshin komıssııa sheshimin almaǵan. Oǵan qosa, «Jyljymaıtyn múlikke quqyqtardy memlekettik tirkeý týraly» Zańy boıynsha jyljymaıtyn múlikke menshik quqyǵy tirkelgen soń, ıaǵnı quqyqtyq kadastr paraǵyna tirkelgen soń, tirkeýshi organ bul jazbanyń kúshin zańdy kúshine engen sot aktisiniń negizinde júzege asyra alady nemese memlekettik tirkeýge baılanysty daýlar sot tártibimen sheshiledi. Osy jaǵdaıdy baıandaı kele, zańsyz qaýlyǵa prokýrorlyq akt ta engizildi»,- deıdi.

Osy kúrdeli másele óńirlik kásipkerler palatasynyń aralasýymen oń sheshildi. Mańǵystaý oblysynyń mamandandyrylǵan aýdanaralyq Ekonomıkalyq soty Munaıly aýdany, Mańǵystaý aýyly ákiminiń 23 qańtar 2019 jyly  jeke kásipker Zulharnaeva Ǵalııa Qabıjanovnaǵa jer teliminiń nysanaly maqsatyn ózgertý týraly qujatynyń kúshin joıǵan sheshimin zańsyz dep tapty. Sóıtip, zańsyz sheshimniń kúshin joıylyp, másele kásipker paıdasyna tolyq sheshildi.

«Meniń túıitkildi máseleme beı-jaı qaramaǵan Mańǵystaý oblysynyń kásipkerler palatasynyń qyzmetkerlerine alǵysym sheksiz. Men sonsha jyl aıaǵynan turǵyzǵan kásibim qurdymǵa ketip, tárbıelep otyrǵan balalarym, eńbek etip júrgen qyzmetkerlerimniń hali ne kúıde bolady? dep qatty qınalyp edim. Zań ústemdik qurdy. Bilikti mamandardyń aralasýymen bári sátti sheshildi. Rızashylyǵymdy sózben aıtyp jetkize almaımyn»,- deıdi  jeke kásipker Ǵalııa Zulharnaeva.

Osylaısha aýyl kásipkeriniń zańdyq múddesi qorǵalyp, kásibiniń násibin kórýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir