• USD 378.65
  • EUR 430.07
  • RUB 6
  • CNY 55.1
21 Tamyz, 11:30:18
Alpınısterdiń naqty qaı jerde ekeni áli belgisiz

12 Shilde, 2019 Mańǵystaý oblysy

Mindetti áleýmettik medısınalyq saqtandyrýdyń múmkindigin túsindirgen semınar

Búgin jumys saparymen Mańǵystaýǵa «Áleýmettik medısınalyq saqtandyrý qory» kommersııalyq emes aksıonerlik qoǵamynyń basqarma tóraǵasy Aıbatyr Jumaǵulov keldi. Qor basshysy  medısınalyq saqtandyrý qorynyń jergilikti fılıaly uıymdastyrǵan semınarǵa qatysty.

Oblystyq «Ana men bala» perınataldyq ortalyǵynda ótken semınarǵa ólkemizdegi iri medısınalyq ortalyqtardyń ókilderi qatysyp, Mindetti áleýmettik medısınalyq saqtandyrý paketine engen qyzmetter týraly keń kólemdi aqparat aldy.

О́z kezeginde Aıbatyr Jumaǵulov 2020 jyldan bastap densaýlyq salasyna enetin ózgeristerge toqtaldy.

- Maýsym aıynan bastap, aq halattylardyń jalaqysy kóterildi.  Degenmen, áli de bolsa, densaýlyq salasynda qarjy jetispeýshilik baıqalady. Medısınalyq qyzmetterdiń tarıfteriniń tómendigi týraly másele barlyq oblysta kóterilip keledi. Sol máseleniń bir sheshimi retinde taıaýda kópshilik medısınalyq qyzmetterdiń  tarıfterin birshama kóterdik. Biz birtindep bul olqylyqtyń ornyn toltyrýǵa jumystanyp jatyrmyz. Kelesi jyly medısınada 2 paket boıynsha qyzmet kórsetiledi. Saqtandyrylǵan azamattar óz qarajatyn únemdep, qymbat medısınalyq qyzmet túrlerin tegin alatyn bolady, - dedi ol.

Al, medısınalyq saqtandyrý qorynyń Mańǵystaý fılıaly basshysy Baqyt Ismahanbetov bolsa, kórsetiletin tegin qyzmetke toqtaldy.

-Biz halyqqa tegin qyzmet kórsetetin emdeý mekemelerine atqarǵan jumysy úshin tólenetin tarıf baǵasyn ósirip otyrmyz. Bul medısınalyq qyzmet sapasyn kóterip, qoljetimdiligin arttyrý maqsatynda jasalyp otyrǵan qadamdardyń biri, - dedi ol.

Esterińizge sala ketsek, QR Úkimeti jýyrda 2020 jyldan bastap mindetti medısınalyq saqtandyrý jáne tegin medısınalyq kómek paketi sheńberinde kórsetiletin medısınalyq qyzmetter tizbesin bekitken bolatyn. Medısınalyq saqtandyrý paketiniń aýqymy tegin kórsetiletin kómekten de keń. Oǵan konsýltatıvtik-dıagnostıkalyq kómek, sonyń ishinde baǵasy qymbat bolyp keletin zerthanalyq qyzmet túrleri, tegin kómek kórsetilmeıtin syrqattardy dári-dármekpen qamtamasyz etý, olarǵa josparly stasıonarlyq jáne stasınardy almastyratyn kómek kórsetý, medısınalyq ońaltý jáne pasıent densaýlyǵyn qalpyna keltirýge baǵyttalǵan em-dom túrleri kiredi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir