• USD 378.65
  • EUR 430.07
  • RUB 6
  • CNY 55.1
26 Tamyz, 14:41:32
Nyǵmatýlın Parlamenttiń qos palatasyn birlesken otyrysqa shaqyrdy

18 Shilde, 2019 Aımaqtar

Jambylda jel elektr stansasynyń qurylysy bastaldy

Jambyl oblysynyń Sarysý aýdanynda oblys ákimniń orynbasary Nurjan Kalenderovtyń qatysýymen  qýatty 100 megavatt bolatyn «Jańatas Jel elektr stansasy» JShS-nyń qurylysy saltanatty túrde bastaldy.

Jambyl oblys ákimdiginiń málimetinshe, aǵymdaǵy jyly qurylys jumystarynyń alǵashqy kezeńi bastalǵan atalǵan jel elektr stansasy aldaǵy ýaqytta Orta Azııadaǵy jelden elektr qýatyn óndiretin eń úlken stansa bolmaq. Bul elektr stansasyn salý týraly kelisim-shart ınvestorlarmen 2013 jyldyń mamyr aıynan bastap júrgizile bastaǵan. Qazir baǵanalardy ornatý jumystaryna arnaıy kásibı mamandardan bólek, jergilikti turǵyndardan 300-ge jýyq jumysshy tartylǵan.

Resmı málimetter boıynsha, jobanyń jalpy quny – 130 mıllıon dollardy quraıdy. Sonymen qatar, Jel elektr stansasynyń qurylysy 2020 jyly tolyq aıaqtalyp, 40 adam turaqty jumys isteıdi dep kútilýde.

«Qazirgi ýaqytta jobany júzege asyrý úshin qurylys jumystaryn júrgizýmen aınalysatyn kompanııaǵa Sarysý aýdany ákimdiginiń Túrkistan aýyldyq okrýginen 233 gektar jer berilgen. Investısııalyq joba aıasynda jergilikti halyqtyń jaǵdaıyn jasaýmen qatar áleýmettik-ekonomıkalyq damýǵa da erekshe serpin berilmek. Sonymen qatar, qurylys jumystarynyń alǵashqy kezeńin bastaǵaly otyrǵan jel elektr stansasy Orta Azııadaǵy elektr qýatyn óndiretin eń úlken stansa bolmaq», - degen oblys ákiminiń orynbasary Nurjan Kalenderov bul nysannyń ekologııalyq qaýipsizdigine de toqtalyp ótti.

«Jel elektr stansasynyń qorshaǵan ortaǵa sanıtarlyq-epıdemıologııalyq áseri tolyq tekserilip, oblys ákimdiginiń tabıǵı resýrstar jáne tabıǵat paıdalanýdy retteý basqarmasynyń oń qorytyndysyn aldy. Bul nysan paıdalanýǵa berilgen soń turǵyndarǵa eshqandaı da ekologııalyq qaýip bolmaıdy», - dedi Nurjan Kalenderov.

Resmı málimetter boıynsha jobanyń negizgi aksıoneri - «Vızor Qazaqstan» kompanııasy. «Jańatas Jel elektr stansasy» JShS birinshi jartyjyldyqta Sarysý aýdany ekonomıkasynyń negizgi kapıtalyna 4,5 mıllıard teńge kóleminde ınvestısııa salyp, negizgi kórsetkishterdiń oryndalýyna oń áserin tıgizdi.

Sonymen qatar, saltanatty sharada kelisim-shartqa qol qoıylyp, joba ınvestorlary aýdandyq aýrýhanaǵa jedel járdem kóligin syıǵa tartty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir