• USD 468.56

  • EUR 497.56

  • RUB 7.3

  • CNY 67.18

29 Naýryz, 16:58:53
Almaty
+35°

22 Shilde, 2019 Mańǵystaý oblysy

Qarýly kúshterdiń barlaýshylary Úndistanda ótetin halyqaralyq saıysqa ázir

Qazaqstan Respýblıkasy Qarýly Kúshteriniń barlaýshylar qurama komandasy el namysyn «Áskerı barlaý úzdikteri» konkýrsynda qorǵaıtyn bolady.

Osy kúnderi Qazaqstan Respýblıkasy Qarýly Kúshteriniń barlaýshy áskerı qyzmetshileri «Áskerı barlaý úzdikteri» saıysyna sońǵy jattyǵýlaryn ótkizdi. Atalmysh saıys halyqaralyq ARMI 2019 armııalyq oıyndardyń baǵdarlamasyna engen. Saıysqa irikteý etaptary barysynda Qurlyq áskerleri áskerı bólimderiniń arasynda úzdik barlaýshylar iriktelip alyndy. Barlyǵy 30 áskerı qyzmetshi. Komanda quramyna top komandıri, aǵa barlaýshy, saper, mergen, sanıtar, oqshasharshy, atqysh, granataatqysh, baılanysshy, sondaı-aq rezervtegi 2 áskerı qyzmetshi men tehnıkalyq personal kiredi. 

Saıys barysynda barlaýshylarǵa 5 shaqyrymdyq júgirý oryndaýǵa, «Barlaýshynyń soqpaq joly» kedergiler kesheninen ótýge, JÁJM júrgizý mashyqtaryn pash etýge jáne ártúrli kirispe mindetterdi pysyqtaýǵa, onyń ishinde, shartty qarsylasqa torýyl uıymdastyrýǵa týra keledi.

Konkýrs talaptaryna sáıkes, barlaýshylar barlyq kedergilerdi tolyq kıim-keshekte eńserýleri tıis. Onyń salmaǵy shamamen 25 kelini quraıdy. Bul qarý-jaraq, mına-jarylǵysh jáne ınjenerlik quraldar, kıim jáne medısınalyq múlik, sondaı-aq bir táýliktik qurǵaq azyq.

Bıylǵy jyly «Áskerı barlaý úzdikteri» halyqaralyq baıqaýy Úndistannyń Djaısalmer qalasynda ótedi, ol ólkedegi saıysqa shóldi jerdegi túngi barlaý etapyn qosý máselesi de qarastyrylýda. Kezekti V «ArMI-2019» halyqaralyq armııa oıyndary 2019 jyldyń 3-17 tamyz kúnderi ótedi dep josparlanǵan. Bıyl oıyndar 10 memlekettiń aýmaǵyna ótedi, olar: Ázirbaıdjan, Armenııa, Belarýs, Iran, Indıı, Qazaqstan, Qytaı, Monǵolııa, Reseı jáne О́zbekstan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir