Prezıdent kómekshisi taǵaıyndaldy

Máýlen Áshimbaev Prezıdent kómekshisi boldy dep habarlaıdy Qamshy.kz aqparat agenttigi Aqorda saıtyna silteme jasap.

"Máýlen Saǵathanuly Áshimbaev Qazaqstan Respýblıkasy Prezıdentiniń kómekshisi bolyp taǵaıyndalsyn", - delingen Jarlyqta. 

Ol 2018 jyly 1 aqpannan bastap "Nur Otan" partııasy tóraǵasynyń birinshi orynbasary qyzmetin atqardy. 

Máýlen Saǵathanuly Áshimbaev 1971 jyly Almatyda dúnıege kelgen.

Ál-Farabı atyndaǵy Qazaq Memlekettik Ulttyq ýnıversıtetin támamdaǵan. Saıası ǵylymdarynyń kandıdaty.

Ýnıversıtetti bitirgennen soń 1993-1994 jyldary Baspasóz jáne buqaralyq aqparat mınıstrliginiń júıesinde jumys istedi.

1994-1995 jyldary - Qazaqstan Respýblıkasy Joǵarǵy Keńes depýtatynyń kómekshisi.

1995 jylǵy maýsym - qarasha aralyǵynda - Qaýipsizdik keńesi apparatynyń konsýltanty.

1995-1999 jyldar aralyǵynda Qazaqstan Respýblıkasy Prezıdenti Ákimshiligi Saraptaý jáne strategııalyq zertteýler ortalyǵynyń bas sarapshysy, sektor meńgerýshisi, osy ortalyq jetekshisiniń birinshi orynbasary.

1999-2000 jyldary - Qaýipsizdik keńesi Saraptaý ortalyǵynyń meńgerýshisi.

2000-2002 jyldary - Qaýipsizdik keńesi Saraptaý ortalyǵynyń meńgerýshisi - Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń dırektory.

2002-2005 jyldary - Qazaqstan Respýblıkasy Prezıdenti janyndaǵy Strategııalyq zertteýler ınstıtýtynyń dırektory.

2005-2006 jyldary - Qazaqstan Respýblıkasy Qaýipsizdik keńesi hatshysynyń orynbasary.

2006-2011 jyldary - Qazaqstan Respýblıkasy Prezıdenti Ákimshiligi Basshysynyń orynbasary.

2012 jylǵy aqpan - 2016 jylǵy qańtar aralyǵynda - V saılanymdaǵy Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń tóraǵasy. 

2016 jylǵy 25 naýryzdan bastap VI saılanymdaǵy Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń tóraǵasy qyzmetin atqarǵan bolatyn. «Qurmet» jáne «Parasat» ordenderimen marapattalǵan.

2003 jyly Djons - Hopkıns ýnıversıtetiniń Halyqaralyq zertteýler mektebinde (AQSh) ǵylymı stajırovkadan ótti.

2016 jyly Tafts ýnıversıtetiniń (Tufts University) janyndaǵy Fletcher atyndaǵy quqyq jáne dıplomatııa mektebin (The Fletcher School of Law and Diplomacy) bitirip, halyqaralyq qatynastar magıstri dárejesin alǵan.

Aǵylshyn tilin erkin meńgergen. Úılengen, úsh balasy bar.