• USD 468.56

  • EUR 497.56

  • RUB 7.3

  • CNY 67.18

29 Naýryz, 19:38:28
Almaty
+35°

30 Shilde, 2019 Psıhologııa

Siz týraly ózgeler ne oılaıtynyn bilińiz (psıhologııalyq test)

Sýrette kózińizge birden túsken aǵashty tańdap, ózgelerge qandaı adam bolyp kórinetinińizdi bilińiz.

Syrt kóz synshy. Ishki jan dúnıemiz ózimizge ǵana málim bolsa da, ózgeler bizdi basqa qyrymyzdan tanýy múmkin. Basqa adamdardyń biz týraly ne oılaıtynyn bilgimiz keledi. Aınalamyzdaǵy adamdar arasynda ózimiz jaıly jaǵymdy pikir qalyptastyrǵandy unatamyz. Al siz ózgeler úshin qandaı adam bolyp kórinesiz? Bilgińiz kele me?

Endeshe psıhologııalyq sýretke úńilip, kózińizge birden túsken aǵashty tańdańyz.

psıhologııalyq qazaqsha test

О́zińizge unaǵan aǵashty tańdasańyz, sıpattamasyn tómennen oqyńyz.

№1 Aǵash

Sizdi ózgeler jumsaq, bııazy minezdi adam retinde tanıdy. Júregińizdiń náziktigi, janyńyzdyń meıirimdiligi aınalańyzdaǵy adamdarǵa unaıdy. О́zgelerge naǵyz qorǵan bola alatyn, qıyn sátte jaqyndarynyń janynan tabylatyn jan ekenińizge ózgeler san márte ret kóz jetkizgen. Sol sebepti ortańyzda syılysyz, qurmettisiz. Siz barlyǵyna kereksiz. О́ıtkeni, álem siz sııaqty meıirimidi jandarǵa zárý. 

№2 Aǵash

Sizdi ózgeler úshin árdaıym kóńildi júretin, muńaıýdy bilmeıtin, aınalańyzdaǵylarǵa kóterińki kóńil kúı syılaıtyn adam retinde tanıdy. Sizdiń janyńyzda júrip, sizben bir saǵat syrlasqan adam barlyq muń-muqtajyn umytyp, siz sııaqty ómirge pozıtıvti kózqaraspen qaraı bastaıdy. Oy minezińizdiń arqasynda dostaryńyz óte kóp. Siz adamdardy ataq-dárejesine, shyqqan tegine qaraı alalamaısyz. Adamdardyń barlyǵy teń. Sizdi eń alǵash kórgen adam "qandaı baqytty, kóńildi jan" dep tańdanyp jatady. Siz jemisin tókken aǵashtaı, keremet adamsyz.

№3 Aǵash

Netken qarapaıym adam! Myna zamanda osynshalyq qarapaıym adamdar bar ma? Siz týraly ózgeler osylaı oılaıdy. Sizdiń qarapaıym minezińiz ózgeler úshin jumbaq. Tuıyqtyǵyńyzdy da ózgeler túsinbeı jatýy múmkin. Qolyńyzda aqshany ýystap ustap júrseńiz de qarapaıym kıinip, qarapaıym bolyp júrgendi jaqsy kóresiz. Keıde "tym qarapaıym bolmasańshy!" dep aqyl aıtyp jatatyndar da joq emes. Degenmen, ózgeler úshin sol qarapaıymdylyǵyńyzben erekshesiz.

№4 Aǵash

Sizdi ózgeler shydamsyz, mazasyz, aıtqanyn istetpeı qoımaıtyn, ózdigimen júretin jan dep oılaıdy. Shyndyǵynda da solaı... Basqa adamdar ózderin sizdiń janyńyzda erkin ustaı almaıdy. О́ıtkeni sizde lıderlik minez basym. Mazasyzdyǵyńyz ben istiń nátıjesine birden qol jetkizgińiz keletin qasıetińizdi ózgeler birden qabyldaı qoımasy anyq. Degenmen sizdiń sózińiz ótimdi bolǵandyqtan, bul qasıetińizdi jaqsy qabyldap jatady. Siz úshin bir orynda turaqtap qalý qıyn. Árdaıym ózgeristi qalaısyz. 

№5 Aǵash

Sizdiń minezińiz ózgeler úshin túsiniksiz. О́ıtkeni kúlip otyryp muńaıa salasyz, muńaıa otyryp qýanýyńyz tez. "Jumbaq jan" degen tirkes sizge qaratyla aıtylsa kerek. Qazir bir isti bastap otyryp, ekinshi bir iske aýysyp ketýińiz múmkin. Sizdiń minezińizdiń  adamdarǵa beımálim qyrlary óte kóp. Jaǵyný, jalpaqtaý degendi múldem bilmeısiz. Búgin aıtqan aqylyńyzǵa erteń ózińiz qarsy shyǵýyńyz múmkin. Keıde óz-ózińizdi de túsinbeı qalyp jatasyz. 

№6 Aǵash

Dál osy aǵashty tańdaǵan adam ózgelerdiń kózine súıkimdi bolyp kórinedi. О́te tartymdy jandar. Sóılegen sózimen, óz-ózin ortada durys ustaýymen erekshelenedi. О́zgeler sizge "óte mádenıetti" dep baǵa berip jatady. Iá, mádenıetti ekenińiz ras. Aqsúıekterge tán qasıetińiz bar. О́zińizdi joǵary baǵalaısyz. Aınalańyzdaǵy adamdar árdaıym Siz týraly tek jaǵymdy pikirler aıtady. 

Marjan Sábet

Marzhan Sabet

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir