• USD 378.65
  • EUR 430.07
  • RUB 6
  • CNY 55.1
23 Tamyz, 19:59:46
Qoryqshylardyń materıaldyq-tehnıkalyq bazasy kúsheıtiledi

16 Maýsym, 2019 NEWS

Ulttyq keńes: qoǵamda qandaı máseleler ózekti?

El prezıdenti Qasym-Jomart Toqaev tamyz aıynda alǵashqy otyrysy josparlanyp otyrǵan Qoǵamdyq kelisim Ulttyq keńesine jastardyń da kandıdatýrasy qaralatynyn aıtty.

Rasynda da bul keńestiń mańyzy óte zor bolyp otyr. О́ıtkeni qoǵamda qordalanyp qalǵan máseleler bar. Ony joqqa shyǵarýǵa bolmaıdy. Biraq ol qalaı sheshilýi tıis? Munyń barlyǵy aldaǵy ýaqytta naqtylanady dep oılaımyn.

Jalpy halyq Qoǵamdyq kelisim jónindegi Ulttyq keńestiń qurylýyna esh qarsy emes. Bári de qoldaıdy. Degenmen atalǵan keńes jylyna qansha ret ótkiziledi, joq álde bul aı saıyn ótkiziletin otyrys pa? Munyń barlyǵy da aldaǵy ýaqytta naqtylanady dep oılaımyn. Desek te, qazirden baıqalǵan bir nárse bar. Búginde áleýmettik jeli men qoǵamdyq ortada belsendi bolyp júrgen kóptegen azamattar negizinen ózderi aıtyp júrgen máselelerdi otyrysta kóteredi dep oılaımyz.  Qoǵamda jıi aıtylyp júrgen pikirlerge monıtorıng jasaı kele biz Ulttyq keńeste mynandaı ortaq taqyryptar kóterilýi múmkin dep oılaımyz. Bul jerde biz jurtshylyq tarapynan jıi aıtylyp júrgen jaıttardy jınaqtap, aıtyp otyrmyz. Sonymen...

  1. Memlekettik tildiń mártebesin arttyrý týraly másele mindetti túrde sóz bolady.
  2. «BAQ» týraly, «Saılaý týraly», «Jergilikti ózi-ózi basqarý týraly» zańdarǵa ózgerister engizý.
  3. Sóz bostandyǵy, beıbit mıtıngke ruqsat berý. Bul da otyrysta birqatar belsendiler tarapynan sóz bolyp, qozǵalýy múmkin.
  4. Abaqtyda jatqan birqatar azamattar bostandyqqa shyǵarý máselesi de kóteriledi.
  5. Qoǵamdaǵy sybaılas jemqorlyqty joıý máselesi de  Ulttyq keńestiń eń ózekti taqyrybynyń biri bolmaq.
  6. Jastar arasyndaǵy jumyssyzdyq – bul da ózekti problemanyń biri.
  7. Ákimderdiń ashyqtyǵy jáne halyqqa jaqyndyǵy nemese qoǵamda kezdesip qalatyn bıýrokratııalyq júıeni joıý máselesi de sóz bolady.
  8. Baspananyń jaıy da Keńeske múshe bolatyndardy tolyq tolǵandyrýy tıis.
  9. Jer máselesi de qaıta qozǵalýy yqtımal

Bizdiń oıymyzsha, talqylanatyn jaıttar munymen shektelip qalmaq emes. Máseleler kóp. Biraq belgili bir talqylanǵan taqyryp boıynsha Ulttyq keńestiń músheleri ortaq tujyrymǵa kele ala ma? Qalaı aıtqanda da, Ulttyq keńestiń otyrysy eki tilde júredi. Qazaq jáne orys tilinde. Bul endi shyndyq. Demek, kótergen máseleni aıtý bar da, ony qabyldaý bar. Osy jerde aıta ketetin bir jaıt, otyrysta bir belsendiniń kótergen pikiri Ulttyq keńestiń ekinshi bir múshesine másele bolyp kórinbeýi múmkin. Mundaı jaǵdaıda qaıtpek kerek? Ulttyq keńes músheleri qaı bir taqyrypty talqylasa da, ol qoǵam, halyq úshin úlken qomaqty problema  ekendigin umytpaýymyz kerek. Sondyqtan keńeste kóterilgen másele kóleńkede qalmasa eken deımiz. Sonda  Ulttyq keńeske senim artady. Al prezıdent Toqaevtyń Jarlyǵymen qurylǵan Ulttyq keńes qoǵam suranysynan týyp otyr. Sondyqtan bul otyrystan kóp úmit kútemiz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir