Sottalýshylardy azaptaǵan kolonııa basshylary jumystan bosatyldy

Almaty oblysynda sottalýshylardy azaptaý isi boıynsha kolonııa basshysylary jumystan bosatyldy, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

"QAJ Komıteti qyzmettik tekserý júrgizip, sonyń nátıjesinde biz tártiptik komıssııa otyrysyn ótkizdik. Almaty oblysy boıynsha QAJK departamentiniń 14 qyzmetkeri jazalandy. Onyń ishinde jeti qyzmetker jumystan bosatyldy. Oqıǵa bolǵan LA 155/8 mekemesiniń basshysy qyzmetinen bosatyldy. Onyń eki orynbasary da jumystan bosatyldy", - dedi arnaıy baspasóz konferensııasynda.

Osyǵan deıin áleýmettik jelilerde jantúrshiktirerlik beınejazbalar paıda bolǵan-dy. Beınejazbadan kolonııa qyzmetkerleri sottalýshylardy sportzalda azaptap jatqanyn anyq kórýge bolady. Taǵy bir vıdeoda áskerı forma kıgen qyzmetkerler er adamdy ilip qoıǵany túsirilgen.