Jol salýǵa bólingen 552 mıllıon teńgeni "qaltasyna basqandar" ustaldy

"QazAvtoJol" UK" Mańǵystaý oblystyq fılıalynyń basshysy "Alıans-IKO" JShS dırektorynyń orynbasary jáne bas ınjenerimen aýyz jalasyp, bıýdjet aqshasyn jymqyrdy degen kúdikke ilindi, dep habarlaıdy Qamshy.kz aqparat agenttigi QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń baspasóz qyzmetine silteme jasap.

Departamenttiń deregi boıynsha, olar О́zbekstanmen shekaralas aýmaqta salynǵan respýblıkalyq mańyzdaǵy "Beıneý-Aqjigit" jolyn salýda jalǵan aktiler toltyryp, bıýjettiń 552 mln teńgesin jymqyrdy degen kúdikke ilingen.

Bul jolǵa bıýdjetten aqsha "Nurly-Jol" baǵdarlamasy boıynsha bólingen. Tergeý sharalary áli júrgizilip jatyr.