Ákim órtengen úıden ýlanǵan balany alyp shyqty

Shyǵys Qazaqstan oblysyna qarasty Malo-Ýbınka aýylynyń ákimi Sergeı Somov kórshisiniń órtke oranǵan úıinen esinen tanǵan oon bir jasar qyzdy qutqaryp qaldy dep jazady Qamshy.kz aqparat agenttigi.

ShQO Tótenshe jaǵdaılar departamentiniń málimetine qaraǵanda, oqıǵa tún ortasynda bolǵan. Kórshi úıdiń janyp jatqanyn kórgen aýyldyq okrýg ákimi Sergeı Somov aýladan úı ıesin jolyqtyrady. Aýyzǵy úı janyp jatqandyqtan, ájeı ishte qalǵan 11 jastaǵy qyzǵa kómektese almaı turǵanyn aıtady. Ákim terezeni shaǵyp kirip, edende es-tússiz jatqan qyzdy alyp shyqqan. S.Somovtyń áıeli jasandy jolmen dem bergen kezde ǵana qyz esin jıǵan.

"Bala úıde essiz jatqan. Sergeı Somov qyzdy qoıý tútin arasynan tapqan. Qyzyl jalyn 70 sharshy metr úıdi otqa orady. Otbasy-dárigerlik ambýlatorııanyń qyzmetkerleri zardap shekkenderdi О́skemen qalasyna jetkizdi. Qyz bala áýeli jan saqtaý bólimine jetkizilgen bolatyn. Al ájesi ýlanyp, denesiniń 30 paıyzyn kúıik shalǵan. Qazir ekeýiniń de jaǵdaıy turaqty", - delingen departamenttiń baspasóz qyzmeti taratqan aqparatta.