• USD 378.65
  • EUR 430.07
  • RUB 6
  • CNY 55.1
21 Tamyz, 11:27:13
Alpınısterdiń naqty qaı jerde ekeni áli belgisiz

28 Shilde, 2019 Aımaqtar

Tazalyq aksııasyna jambyldyqtar da belsendi atsalysty

О́tken aptada Ekologııa, geologııa jáne tabıǵı resýrstar mınıstri Maǵzum Myrzaǵalıevtiń bastamasynan qolǵa alynǵan #Birge #TazaQazaqstan ekologııalyq aksııasyna jambyldyqtar da  jappaı atsalysty. Atalǵan tazalyq sharasyna Jambyl oblys ákiminiń mindetin atqarýshy Nurjan Kalenderov bastaǵan oblys ákimi apparatynyń jáne oblys aýmaǵyndaǵy barlyq memlekettik mekemelerdiń, ónerkásip oryndarynyń qyzmetkerleri men túrli sala mamandary  qatysty. 

Birden aıta keteıik, aksııanyń negizgi maqsaty — sý aıdyndaryn kúl qoqystan tazartý bolatyn. Soǵan oraı senbilikke shyqqandar oblys ortalyǵy Taraz qalasynyń aýmaǵyndaǵy «Qarasý – 1», «Qarasý - 2», «Túıte», «Tóregeldi», «Bazarbaı», «Úshbulaq», «Seńkibaı», «Ońtústik qurǵatý drenajdy», «Taıvan», drenajdy kanalardyń boıy, «Talas» ózeni jáne «Aqbulaq», «Qarataý» móltek aýdandaryndaǵy kanaldardyń jaǵajaılaryna tazalyq jumystaryn júrgizdi. 

"Búginde barshamyz bir kisideı osy kanaldar men ózenderdiń mańaıyn tazartýǵa jumylyp otyrmyz. Buǵan qala turǵyndary da óz belsendilikterin tanytyp jatyr. Bul bastama tek qala aýmaǵynda ǵana emes,  oblystyń barlyq 10 aýdanynda júzege asyp jatyr. Aýyldyq eldi-mekenderdegi ózender men kanaldardyń, tipti qamys basqan aryq-atyzdardyń da aýmaqtary tazalandy. Bul shara ataýyna sáıkes eldi birigip eńbek etýge, aınalany taza ustaýǵa úndeıdi", – dedi Nurjan Kalenderov.

Qala aýmaǵyndaǵy ózen-kólder men sý aıdyndarynyń jaǵalaýlaryn jalpy halyqtyń birge tazartýyn Taraz turǵyndary da qoldap otyr. Jánibek Surymbaı esimdi turǵynnyń aıtýynsha, tazalyqty saqtaý eń aldymen turǵyndardyń ózderi úshin mańyzdy.

«Jaz mezgilide sý aıdyndarynyń jaǵalaýlarynyń barlyǵy qoqysqa tolyp ketetini jasyryn emes. Buǵan birinshi kezekte, sol mańda qydyratyn adamdar kináli. Alaıda, «olar shashyp ketti, basqa bireý jınap beredi» dep otyrýǵa bolmaıdy. Qalanyń árbir turǵyny qoqys kórse tazalap júrgeni jón. Sonymen qatar, dál osyndaı senbilikterge belsene atsalysqany abzal», – dedi qala turǵyny Jánibek Surymbaı.

Taraz qalasy ákimdiginiń málimetinshe, 21 nysan qoqystan tazartylǵan. Júrgizilgen senbilikke  qala boıynsha 4535 adam qatysyp, 47 tehnıka jumys istedi. Qala aýmaǵynda 61,8 shaqyrym kanaldardyń boıy tazartylyp, 258 tonna kúl-qoqys shyǵaryldy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir