Jambyl oblysynda Bes áleýmettik bastama qalaı júzege asyp jatyr?

Qazaqstan Respýblıkasy Aqparat jáne qoǵamdyq damý mınıstrligi, "Azamattyq bastamalardy qoldaý ortalyǵy" (CISC) kommersııalyq emes aksıonerlik qoǵamynyń "Bes áleýmettik bastamany iske asyrý boıynsha "Azamattyq baqylaý" qoǵamdyq monıtorıngin júrgizý" taqyrybynda "Jambyl oblysy jastar uıymdarynyń Qaýymdastyǵy" zańdy tulǵalar birlestigi  bes áleýmettik bastamany iske asyrý týraly azamattardyń pikirin zertteýge arnalǵan saýalnamany Jambyl oblysy, Talas, Shý, Qordaı Turar Rysqulov, Merki, Sarysý, Jýaly, Baızaq aýdandary boıynsha  júrgizdi.

Mysaly, Baızaq aýdanynda ekinshi bastama "Eńbekaqysy tómen qyzmetkerlerdiń jalaqysyn arttyrý úshin salyq júktemesin tómendetý" boıynsha saýalnama júrgizildi. Saýalnama eń tómengi jalaqy alatyn, kúzetshi, eden jýýshy, kezekshiler syndy qyzmetkerlerden alynyp, nátıjesinde sońǵy bir jylda jalaqylary kóterilgenin jetkizdi. Al tórtinshi bastama "Shaǵyn nesıe berýdi keńeıtý" boıynsha 5 kásipkerden saýalnama alynsa, besinshi bastama "Eldi gazben qamtamasyz etýdi jalǵastyrý" boıynsha Baızaq aýdanyna qarasty Talas, Úlgili, Seńkibaı, Sarykemer aýyl turǵyndary arasynda saýalnama alyndy. Olardyń aıtýynsha gaz boıynsha eshqandaı másele joq. Kóńilderi tolatynyn aıtyp ótti.

Sarysý aýdanynda turǵyn úı qorynyń jáne "Nurly jer" baǵdarlamasy aıasynda turǵyn úıge qol jetkizgen azamattardyń bolmaýyna baılanysty birinshi áleýmettik bastama «Árbir otbasyna baspana alýdyń jańa múmkindikterin berý» boıynsha saýalnama alý jumystary júrgizilmedi. Saýalnama eń tómengi jalaqy alatyn, kúzetshi, eden jýýshy, kezekshiler syndy qyzmetkerlerden alynyp, nátıjesinde sońǵy bir jylda jalaqylary kóterilgenin jetkizdi. Úshinshi bastama aıasynda orta kásiptik-tehnıkalyq kolledj bilimgerlerinen alyndy. Al tórtinshi bastama "Shaǵyn nesıe berýdi keńeıtý" boıynsha óz kásibin dóńgeletip otyrǵan 5 kásipkerden saýalnama alyndy. Al besinshi bastama "Eldi gazben qamtamasyz etýdi jalǵastyrý" boıynsha Sarysý aýdanynda tabıǵı gaz kirmegen.

Osy oraıda, mazalaǵan máselelerdi azamattardyń jaýapkershiligin arttyrýǵa J-reception.kz saıtyna ózińizdi mazalaǵan saýaldar men suraqtar joldaýǵa bolatyndyǵyn habarlaımyz