• USD 378.65
  • EUR 430.07
  • RUB 6
  • CNY 55.1
26 Tamyz, 16:26:50
Nyǵmatýlın Parlamenttiń qos palatasyn birlesken otyrysqa shaqyrdy

26 Shilde, 2019 Álemde

«Moınyńdy julyp alamyn». Prezıdent Berdimuhamedovtyń balasynyń basqarý tásili

Túrikmenstan prezıdentiniń  balasy Serdar  Berdimuhamedov Aqal ýalaıatynyń hakimi bolyp taǵaıyndalǵanyna da birshama ýaqyt ótti. Alaıda oǵan qatysty el arasynda neshe túrli áńgimeler júrip jatyr. Jergilikti turǵyndar men ýalaıat qyzmetkerleriniń arasynda jasyryn saýalnama júrgizgen hronikatm.com saıty osy aptanyń ortasynda málimsiz birqatar derekterdi jarııa etti dep habarlaıdy Qamshy.kz aqparat agenttigi. 

Aıta keter bir jaıt, Ahal ýalaıatynyń ortalyǵy Annaý qalasynda ornalasqan. Bul shamamen Ashhabad qalasynan bar-joǵy 8 shaqyrym jerde. Biraq kishi Berdimuhamedov  jumysyna jan-jaǵyn qorshaǵan kúzetshilerimen keledi. Kóligin qorshap arnaıy motosıklder júredi. Ákimshiliktiń aýlasyna ol osylaı arnaıy kortejben kiredi. Hakim Sardar ǵımaratqa engen kezde dálizde eshkim bolmaýy qajet jáne jumys kezinde eshqandaı daýys estilmeýi qajet. Ol negizinen ýalaıat aýmaǵynda úlken is-shara ótken kezde ǵana jurtshylyqtyń aldyna shyǵady eken.

Jergilikti sheneýnikterdiń aıtýyna qaraǵanda, Prezıdenttiń ulynyń qabyldaýyna eshkim kire almaıdy. Onyń qabyldaý bólmesiniń aldynda arnaıy kúzet turady. Burynǵy hakimdikte mundaı qyzmet múlde bolmaǵan. Ǵımaratta uıaly telefonmen baılanys jasaýǵa tyıym salynǵan.

Jergilikti atqaminerlerdiń aıtýyna qaraǵanda, Sardar Berdimuhamedovtyń jergilikti sheneýnikterge jıi aıtatyn  eń súıikti sózi «Moınyńdy julyp alamyn» eken.

Al Ahal ýalaıatynyń halqy «Sardar Berdimuhamedov bul qyzmette uzaq otyrmaıdy. Ary ketse, bir jyl bolýy múmkin. Sosyn taǵy joǵary laýazymǵa kóteriledi» dep otyr.

Osy ýaqytqa deıin Sardar Ahal ýalaıaty hakiminiń orynbasary bolyp bar-joǵy alty aı ǵana istegeni belgili. Demek ol hakim bolyp ta uzaq otyrmaıdy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir