"Nemenege asyqtyń, qaryndasym?!"

Nemenege asyqtyń, qaryndasym?!
Kúni búgin biterdeı jalyn jasyń.
Alastamaı aldymen aınalasyn,
Alash qalaı alǵa ozyp, adymdasyn?!

Qımas qalqam ediń-aý kózi qara,
Syılas jandy taýypsyń ózi qara.
"Qydyrmashy qyz ońbas" dep túıetin
Babamyzdyń dóp aıtqan sózi - dana.

Tilim tistep, aýzyma qum salyndy,
Kóńil qurǵyr bolar ma munsha muńdy?!
Ana-Ǵasyr amanat etip bergen
Qara nəsil bylǵady qursaǵyńdy!

Anań seniń ah uryp, alańdaı ma?
Əpke-jeńgeń baǵyńdy baǵamdaı ma?
Arystandaı aqyrar əkeń qaıda?!
Jolbarystaı atylar aǵań qaıda?!

Nemenege jetistiń, qaryndasym?!
Qazaq qyzy emes pe eń baǵyń basym.
Ańǵal qyz-aı, ulyrsyń Aıǵa qarap,
Ulylyǵyn ultyńnyń saǵynǵasyn!

Serik SEIITMAN