25 Shilde, 2019 Álem
Pýtınmen kezdesken eks-prezıdent málimdeme jasady
Almazbek Atambaevtyń málimdemesimen onyń jaqtastary bólisti
Qyrǵyzstannyń burynǵy prezıdenti Almazbek Atambaev Reseı prezıdenti Vladımır Pýtınmen kezdesýi týraly aıtty dep habarlaıdy Qamshy.kz aqparat agenttigi Sputnik Qyrǵyzstan saıtyna silteme jasap.
Olar 24 shilde kúni Kremlde jolyqqan bolatyn.
"Reseı Qyrǵyzstannyń dosy ári strategııalyq áriptesi ekenin taǵy bir márte dáleldedi. Alaıda eldiń ishki máselelerin biz ózimiz sheshemiz", - dedi saıasatker.
Málimdemede túrli másele boıynsha kelispeýshilikti sheshý úshin eki tarap ta óz úlesin qosýy kerek ekeni aıtylǵan.
"Bılik sotta isti qaraǵan kezde ádildik tanytýy kerek. Qarsylastardy saıası qýdalaýdy toqtatqan durys. Jeenbekov tarapynan osyndaı qadamdy kórgen kezde oppozısııanyń kún tártibi birden ózgeredi", - dedi Qyrǵyzstannyń eks-prezıdenti.
Onyń aıtýynsha, bul ádis eldegi saıası ahýaldy jaqsartýǵa sep bolady.
"Jeenbekovtyń el ıgiligi úshin jumys isteı bastaǵanyn jáne oppozısııanyń saılaýǵa daıyndalyp jatqanyn kórgen kezde ǵana halyq tynyshtalady. Saıası turaqtylyq ornaıdy. Biz bılik tarapynan naqty is-áreketti qyrkúıek aıyna deıin kútemiz", - dedi Atambaev.
Eske sala ketsek, 13 maýsym kúni Qyrǵyzstan parlamenti arnaıy komıssııa qurǵan bolatyn. Komıssııa Almazbek Atambaevtyń alty qylmysqa qatysy bar bolýy múmkin degen qorytyndy jasady. 20 maýsym kúni Jogorký Kenesh bul qorytyndyny maquldap, Bas prokýratýraǵa jibergen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir