• USD 378.65
  • EUR 430.07
  • RUB 6
  • CNY 55.1
22 Tamyz, 07:05:05
Senim údesinen shyqqan bank

24 Shilde, 2019 Ekonomıka

Teńge taǵy qunsyzdana ma?

Halyqaralyq sarapshylar ulttyq valıýta baǵamyn memleket baqylap otyrǵan bolýy múmkin degen pikirde.

Dollar kýrsy baıaý biraq turaqty túrde ósip keledi. Bul kúnderi 1 dollar 385 teńgelik deńgeıge turaqtaǵan. Alaıda 9-16 shilde kúnderi Qazaqstanda bolǵan halyqaralyq valıýta qorynyń sarapshylary bul naryqtyq baǵam degenge kúmánmen qaraıdy, dep jazady Qamshy.kz aqparat agenttigi.

Syrtqy faktorlarǵa baılanǵan teńge baǵamyna áser etetin oqıǵalar álemde az oryn alyp jatqan joq: Dollar qunsyzdanyp, rýbldyń álemdik naryqtaǵy baǵamy kúsheıdi. AQSh-Qytaı qatynastary tuıyqtalyp, keıin ońala bastady. AQSh-tyń Federaldyq rezerftik júıesi men Eýropa ortalyq banki stavkany tómendetýge ázir ekenin aıtty. Munaı baǵasy barreline 62-den 68-ge deıin kóterilip, qaıta tústi. AQSh Iranǵa qatysty sanksııa engizdi, taǵysyn taǵy degendeı.

Biraq ulttyq valıýtaǵa atalǵan jaıttardyń shybyn shaqqandaı da áseri bolmady. Damýshy memleket úshin, ásirese naryqtyq jaǵdaıda bul óte kúmándi.

Sarapshylar teńge kýrsyna Ulttyq bank yqpal etip turýy múmkin degen pikir aıtýda. Bas bank árıne bunysyn jarııa etkisi kelmeıdi. Eseptik qaǵazdarda jalań sıfrlar ǵana. Onyń ózi tolyq maǵlumat emes. Alaıda teńge baǵamynyń turaqtylyǵymen qatar ulttyq bank rezervterinde ózgerister baıqalýda. Keltirilgen derekterge qaraǵanda teńge baǵamyna qatysty ıntervensııa júrgizilip otyrǵanǵa uqsaıdy. Ol týraly basty regýlıator ashyp-jaryp aıtar emes.

Halyqtyń bılikke degen senimi azaıyp, kúmáni kóbeıip turǵan shaqta bılikke teńge baǵamyn sharyqtatyp, taǵy da qoǵamdyq syn nópiriniń astynda qalý, abyroıyn túsirý tıimsiz. Sondyqtan dollar ósiminiń aýzyn býyp ustaýǵa májbúr. Al teńge baǵamyn tizgindeýge qyrýar qarajat jumsalady. Biraq ıntervensııany únemi jasaý múmkin emes. Eger teńgeniń qunsyzdanýyna áser etýshi faktorlar azaımasa, jýyq aralyqta devalvasııadan qashyp qutyla almaımyz. Al devalvasııa qaı shamada bolady – bul jaýaby bizge belgisiz másele!

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir