• USD 378.65
  • EUR 430.07
  • RUB 6
  • CNY 55.1
23 Qyrkúıek, 14:01:43
Kekilbaevqa arnalǵan kesh

22 Shilde, 2019 Aımaqtar

Jambyldyq veterınarlar tájirıbe almasty

22 maýsymda Jambyl oblysy Shý aýdanynda «Oblys aýmaǵynda veterınarııalyq – sanıtarlyq qaýipsizdikti qamtamasyz etý máseleleri» atty oblystyq semınar-keńes bolyp ótti.

Atalǵan jıynǵa oblys ákiminiń orynbasary Murathan Shúkeev, oblys ákimdigi veterınarııa basqarmasynyń basshysy Ospan Berdııarov jáne Jambyl oblysyndaǵy barlyq aýdannyń veterınarııa salasyna jaýapty mamandary qatysty. Semınar-keńestiń baǵdarlamasyna sáıkes, Shýǵa arnaıy atbasyn burǵan qonaqtar aldymen aýdandyq veterınarııalyq kásiporyn mekemesiniń aýmaǵynda ornalasqan veterınarııalyq bıopreparattardy uzaq merzimde saqtaıtyn qoımanyń jáne ıesiz, qaraýsyz qalǵan janýarlardy ıesi anyqtalǵansha ýaqytsha ustaý ornynyń jumysymen tanysty. Sonymen qatar, janýarlardyń ólekselerimen bıologııalyq qaldyqtardy jáne vaksınalardan bosaǵan quty ydystardy órteýge arnalǵan ınsınerator qondyrǵylarymen, brýsellezge shaldyqqan ýaq maldardy sanıtarlyq soıý alańyna tasymaldaý aldynda jınaqtaıtyn ızolıatormen sondaı-aq, Tóle bı aýyldyq okrýginiń veterınarııalyq pýnktiniń de jumysyn kózben kórip, ózara tájirıbe almasty.

Budan ári semınar-keńes aýdan ortalyǵynda ornalasqan veterınarııalyq pýnktiń májilis zalynda jalǵasyn tapty. Basqosýdy oblys ákiminiń orynbasary Murathan Júnisáliuly ashyp, jalpy óńirimizge qarasty aýdandardaǵy veterınarııalyq qyzmettiń deńgeıin sóz etti. Ol óz sózinde semınar-keńestiń dál osy Shý aýdanynda uıymdastyrylýynyń da ózindik sebebi bar ekenin aıtty. О́ıtkeni, mundaǵy veterınarııalyq qyzmet bir jolǵa qoıylyp, ózge aýdandarǵa úlgi bolarlyqtaı júıeli jumys jasaýda. Sonymen birge, oblys ákiminiń orynbasary Jambyl oblysy úshin et eksportyn qolǵa alyp, úlken naryqqa shyǵýǵa mol múmkindik týyp otyrǵanyn jetkizdi. «Qazirgi kezde shet memleketterge et eksporttaýǵa úlken múmkindik týyp otyr. Onyń ústine, bizdiń aldymyzda aýylsharýshylyǵy ónimderin eki esege deıin arttyrý mindeti tur. Ol úshin eń aldymen oblystyń epızotııalyq jaǵdaıy qalypty deńgeıde bolýy tıis. Búgingi tańda óńirimiz bul baǵytta respýblıka boıynsha aldyńǵy qatarda. Bunyń bári, árıne, sizderdiń ıaǵnı, veterınarııa salasynda eńbek etetin mamandardyń arqasy. Osy epızotııalyq turaqtylyqty aldaǵy ýaqytta da dál osy qalpynda saqtap qalýymyz kerek» - dedi M.Shúkeev.

Semınar-keńes barysynda oblys ákimdigi veterınarııa basqarmasynyń basshysy Ospan Berdııarov óńirdegi epızotııalyq jaǵdaı boıynsha baıandama jasap, birqatar aýdandarda oryn alǵan kemshilikterdi tilge tıek etse, jumysy bir jolǵa qoıylǵan aýdandarǵa odan ári de osy baǵytta birlese jumys isteýge shaqyrdy. О́z kezeginde aýdan ákiminiń orynbasary Álıhan Balqybekov aýdannyń veterınarııa salasynda atqarylyp jatqan aýqymdy isterge keńinen toqtalyp, aldaǵy josparlarmen de bólisti. Jıyn sońynda ózge aýdandardan kelgen sala mamandary óz pikirlerin bildirip, keıbir túıtkildi máseleler boıynsha qoıylǵan suraqtaryna jaýap alyp, ózara tájirıbe almasty.

Shapaǵat Qonysbaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir