23 Shilde, 2019 NEWS
Almaty taýynda týrıstke shabýyldaǵan kim?
Qaskóı taýda serýendep júrgen týrıstke keńse pyshaǵymen tap bergen. Týrıstiń baǵyna qaraı, pyshaq jaraqaty ómirine qaýip tóndirmedi.
Almaty polısııasynyń aralasýymen Býtakov shatqalynda demalýshylarǵa pyshaqpen shabýyldaǵan qaskóı qolǵa tústi. Qaskóı demalýshylardan óz qurbandaryn keńse pyshaǵymen qorqytyp, aqsha men qundy zattar alyp otyrǵan dep jazady Qamshy.kz aqparat agenttigi.
Tártip saqshylary kúdiktini oqıǵa orynynyń mańynan ustaǵan. Qalalyq Polısııa departamentiniń málimetinshe, qolǵa túsken 37 jastaǵy kúdiktiniń naqty turatyn meken-jaıy joq bolyp shyqty.
Kúdikti taýda kúrkelerdi mekendep júripti. Budan buryn ol óte aýyr qylmys jasaǵany úshin jaýapqa tartylǵan.
Jábirlenýshiniń bergen málimetinshe súıensek, kúdikti óziniń «aram» nıetin júzege asyryp jatqanda onyń janynda taǵy bir adam bolǵan. Polısııa qyzmetkerleri ony taýyp úlgermedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir