• USD 378.65
  • EUR 430.07
  • RUB 6
  • CNY 55.1
22 Tamyz, 07:04:03
Senim údesinen shyqqan bank

23 Shilde, 2019 Saıasat

Muhtar Taıjan: Ol kezde Talǵat Aıan men Maks Boqaev bostandyqta bolatyn (vıdeo)

Erjan Turǵymbaı men Muhtar Taıjan ashyq áńgimelesti

Qoǵam qaıratkeri, ekonomıka ǵylymdarynyń kandıdaty, kásipker Muhtar Taıjan keshe, ıaǵnı 22- shilde kúni  oppozısıoner Erjan Turǵymbaıdyń Youtube arnasynda suhbat berdi dep jazady Qamshy.kz aqparat agenttigi. 

Erjan Turǵymbaıdyń arnasynda suhbat berip otyrǵan Muhtar myrza aldymen ózin tanystyryp, ómirbaıanyn aıtyp berdi. Qoǵam qaıratkeriniń ómirbaıany:

"Muhtar Taıjan 1973- jyly 10-qyrkúıekte Almaty qalasynda dúnıege kelgen.

1990- jyly Almaty qalasyndaǵy №23 bitirigennen keıin ál-Farabı atyndaǵy Qazaq ulttyq ýnıversıtetininiń Zań fakýltetine túsedi. Alaıda ákesi Bolathan Taıjannyń usynysymen oqý Polshanyń astanasy Varshava qalasynda jalǵastyrady. Varshava ýnıversıtetinde bakalavr jáne magıstrlik deńgeılerdi támámdap, Qazaqastanǵa 1997-shi jyly oralady.

Eńbek joly:

1997–2001-jyldar aralyǵynda aralyǵynda túrli memlekettik qyzmetterde jumys atqarady:

  • QR-daǵy strategııalyq josparlaý jáne reformalaý agenttigi (Qazaqstannyń 2030 jylǵa deıingi damý strategııasynyń "Ekonomıkalyq ósý" basymdyǵy bóligin jasaýshylardyń biri);
  • QR Prezıdent Ákimshilgi, Qaýipsizdik keńesiniń jumys organdary, halyqaralyq ekonomıka boıynsha sarapshy;

2001-2003-jyldar aralyǵynda "Qazaqstan temir joly" AQ jáne "Ordabasy" korporasııasy" AQ-ta basshylyq qyzmet atqarǵan.

2003 jyldan bastap jeke kásipker.

2007-shi jyly "Jahandaný jaǵdaıyndaǵy Qazaqstan jáne Polsha arasyndaǵy ekonomıkalyq yntymaqtastyq perspektıvasy" atty kandıdattyq dıssertasııa qorǵaǵan."

Suhbatty jalǵastyrý maqsatynda oppozısıoner Erjan myrza óziniń suraqtaryn qoıýdy bastap ketti.

"Qazir saıasattyń qyzyp jatqan kezi. Jer máselesi, basqa da máseleler. "Muhtar Taıjan — bıliktiń adamy. Bıliktiń jumysyn jasap jatyr" dedi. Taıjan halyqty aldap, komıssııada jumys istedi, al ana jaqta Maks Boqaev jáne Talǵan Aıan qamaldy. Sonda bul qalaı boldy? Osyny ashyp aıtsań",- dedi Italııadaǵy oppozısıoner.

Suraqqa tike jaýap bergisi kelgen kásipker:

"Menińshe, siz jer máselesi jaıynda eshteńe bilmeıtin sekildisiz. Sáýirdiń 24-i kúni Maks pen Talǵat Atyraýda úlken mıtıng uıymdastyrdy. Al, 27-si kúni men jáne Rysbek Sársenbaı aǵam Almatyda mıtıngke aryz berdik. Biraq bizge ruqsat berilmedi. Biz biraq sonda da shyǵamyz dedik. Rysbek aǵany da, meni de eki ret DVD -ǵa aparǵan.

Jer máselesi óte mańyzdy, óte kúrdeli. Zań boıynsha 1-shildeden bastap jer jappaı satylýy kerek edi. Sheteldikterge de, qazaqtarǵa da. Ol kezde mamyr aıy edi. Biz moratorıı jarııalaýdy usyndyq. Bizdiń talabymyz — komıssııa qurý. 1-shildeden bastap jerdi satpaý úshin. Ony úkimetpen birge qurý. Dál osy talabymyzdy 5-mamyrda prezıdent Nazarbaev qabyldady. Jarlyǵyn shyǵardy, komıssııa qurdy, moratorıı jarııalady. 2016 jyldyń aıaǵyna deıin. Ol komıssııaǵa Maks Boqaev, Maqsat Ilııasuly, Záýresh Battalova, Muhtar Shahanov t.b. kirdi. Birinshi otyrys kezinde Maks "men komıssııa quramyna kirmeımin" dedi. Ol kezde Talǵat pen Maks bostandyqta bolatyn.

21-mamyr kúni úlken mıtıng bolý kerek edi. Sol mıtıngtiń aldynda Maksti de basqalaryn da 15 táýlikke qamady. 25-mamyrda men belsendilerdi sottamaý úshin Almaty sotyna bardym. Qamalǵan adamdardyń árqaısysynan aryz alyp, bas prokýrorǵa bardym. Tamyz aıynda komıssııa bitken kezde sot boldy. Atyraýda Maks pen Talǵattyń soty boldy. Men sotta sóıleı almadym. Aqyry jer komıssııasynyń sheshimi osy moratorıı. "5-jyldyq moratorıı kezinde jer eshkimge satylmaýy kerek. Sheteldikterge de, qazaqtarǵa da"  degen ustanym boldy. Bes jylda el jańa bolady dep oıladym.",- dedi sózderin naqtylap alyp.

Áńgime barysynda biraz dúnıe talqylandy. Onyń ishinde Ulttyq Qaýipsiz keńesi jaıly da aıtyldy. Eń ózekti taqyryp ta qozǵaldy. Muhtar Taıjan aıaq astynan shyqqan oppozısıoner Erjan Turǵambaıdyń qaıdan kelgenin de surap, biraz tergeýge aldy. Tolyǵyraq vıdeoda:

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir