• USD 378.65
  • EUR 430.07
  • RUB 6
  • CNY 55.1
21 Tamyz, 23:03:51
Senim údesinen shyqqan bank

23 Shilde, 2019 Saıasat

Ulttyq qoǵamdyq keńestegiler qansha jalaqy alady?

Halyqtyń senimine kirý úshin el-jurtty tolǵandyrǵan máselelerdi tyńdaý kerek. 

Ulttyq qoǵamdyq senim keńesiniń ózine senim qalyptastyrýy kerek. Sarapshylar Prezıdent janynan qurylǵan jańa keńeske osyndaı pikir aıtýda dep habarlaıdy Qamshy.kz aqparat agenttigi Eýrazııa arnasyna silteme jasap. 

Sondaı-aq, ýnıversıtettegi, forýmǵa qatysýshy stýdenttermen emes, bılik, bazarda júrgen jastarmen til tabysýy tıis deıdi olar. Jýyrda qurylǵan keńestiń músheleri qansha jalaqy alady? 

"Meniń jeke oıym bylaı. Elimizdegi qoǵamdyq saıası saladaǵy zańdardy ózgertý kerek. Ol mıtıng týraly, partııalar týraly, aqparat quraly jáne saılaý týraly. 4 zań. Eger osyny ózgertip, paket retinde Parlamentke jiberip, sol jerde qabyldanatyn bolsa, elimizdegi qoǵamdyq saıası júıeni lıberalızasııa jasady deýge negiz bar", - deıdi saıasatttanýshy, Ulttyq senim keńesiniń múshesi Erlan Saıyrov. 

Ulttyq keńestiń múshesi Erlan Saıyrov osy máselelerdi qolǵa alamyn dep qulshynyp otyr.  Álemdik tájirıbelerdi alǵa tartty. Ásirese, eldegi ózin-ózi basqarý júıesin jandandyrý kerek deıdi.  Alaıda, qazir ne kóp keńes kóp, keńesshi kóp.  Qoǵamda ulttyq senim keńesiniń ne úshin qurylǵanyn túsinbeı júrgender kóp. Áleýmettik jelide de talqylap jatyr.

"Halyqtyń ortasynda Ulttyq keńes pen Qoǵamdyq keńestiń aıyrmashylyǵyn túsindirý qajet. Ekeýi eki bólek organ. Qazir halyqtyń ortasynda Ulttyq keńeske degen senimdi molaıtpaıynsha, onyń jumysyna da kúmán keltirýi múmkin", - deıdi sarapshy, saıasattanýshy Alýa Joldybalına.

Halyqtyń senimine kirý úshin el-jurtty tolǵandyrǵan máselelerdi tyńdaý kerek.  Al Prezıdent janyndaǵy  jańadan qurylǵan Ulttyq qoǵamdyq senim keńesi qalaı jumys isteıdi? Halyqpen qalaı dıalog qurady? 

"Osy jerde otyrǵan azamattardyń áleýmettik jelide akkaýnttary bar. Sonda habarlasýǵa bolady.  Ol jerde telefon, barlyǵy jazylǵan. Ekinshiden, osydan eki - úsh kún buryn osy keńestiń hatshysy Erlan Karın óziniń sózinde akkaýnty jaqyn arada ashylatynyn aıtty. О́ziniń jeke akkaýnty bolady. Sol jerge jiberýge bolady, barlyq máseleni", - dep jaýap berdi Erlan Saıyrov.

Sońǵy kezde jastardyń jıyndary da jıi ótedi. Biraq kóbine óner, sport , jýrnalıstıka salasyndaǵy juldyzdardy aldyńǵy qatarǵa otyrǵyzyp, belsendi stýdentterdiń jalaýlatqan forýmdarynan ári aspaıdy. Al oqýǵa túspegen, turaqty jumysy joq, bazarda júrgen jastar qamtylmaı qalady eken. Ulttyq keńeske múshe bolǵan jastar uıymdarynyń ókilderi osy kemshilikti qolǵa alamyz degen syńaı tanytty.

Ulttyq senim keńesiniń alǵashqy jıyny tamyz aıyna josparlanyp otyr. Sol kezde birqatar  másele naqtylanbaq. Ázirge, músheleri de kóp nárseni bilmeıdi.  Bir anyǵy, onyń quramyndaǵy 42 adamǵa eshqandaı aılyq tólenbeıdi. Halyq qamy úshin tegin jumys isteıdi eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir