Almatyda 800-ge jýyq sheteldik quryqtaldy

Almaty qalasynda zańsyz mıgrasııa men qujaty joq ózge el azamattaryn jumys kúshi retinde paıdalaný faktilerin aıǵaqtaý úshin jedel-profılaktıkalyq "Zańsyz" sharasy ótti dep jazady Qamshy.kz aqparat agenttigi.

Jedel-profılaktıkalyq shara barysynda sheteldikter qujatsyz, zańsyz júrýi múmkin qoǵamdyq oryndardyń barlyǵy súzilip shyqty.

"Shara barysyndaǵy tekserýden keıin quryqtalǵan 794 shetel azamaty ákimshilik jaýapkershilikke tartyldy. Zańsyz jumys kúshin qoldanǵany úshin QR 168 azamaty aıyppul arqalady. Sondaı-aq, qujaty joq shetel azamattaryn jumyspen qamtamasyz etkeni úshin 56 azamat ákimshilik jaýapkershilikke tartyldy.

336 qujatsyz shetel azamaty quryqtalyp, qylmystyq iske qatysy bar 196 ózge el azamaty shekaradan tysqary shyǵarylǵan. Sonymen qatar, JPSh barysynda 3 zańsyz mıgrasııa arnasyn uıymdastyrǵan shetel azamatynyń úshstinen qylmystyq is qozǵaldy", - deıdi Almaty qalasy Polısııa departamentiniń Mıgrasııalyq qyzmet basqarmasynyń basshysy Ashat Býtýnchınov.