22 Shilde, 2019 NEWS
Polısııaǵa kómektesken azamatqa 10 mıllıon teńge syıaqy tólendi
11-12 shildede Pavlodardaǵy polısııa basqarmasynyń ortalyq bólimine alaıaqtyq faktisi boıynsha 28 adam ótinish bildirgen.
Kaspi-diń Qaýipsizdik qyzmeti Pavlodar oblystyq IID-men birlesip, Kaspi-diń burynǵy qyzmetkeri, alaıaqtyq jasady dep aıyptalǵan kúdikti Rýslan Seksembaevty tutqyndady dep habarlaıdy Qamshy.kz aqparat agenttigi. Jedel tergeý áreketteriniń nátıjesinde kúdikti 21 shildede Ekibastuz qalasynda ustaldy.
⠀
Seksembaev klıentterge kepildegi jyljymaıtyn múlikti tómen baǵaǵa satyp alýǵa kómek kórsetem dep ýáde bergen. Ol azamattardyń senimine kirip, aldaý arqyly olardy óziniń jeke shotyna qarajat aýdarýǵa kóndirip, artynan boı tasalaǵan.
⠀
Kúdiktini ustaýǵa járdemdeskeni úshin Kaspi Seksembaevtyń ornalasqan jeri týraly aqparat bergen azamatqa 10 mıllıon teńge mólsherinde syıaqy tóledi. Bul azamattyń aty-jóni onyń qaýipsizdigi maqsatynda jáne tergeý múddesi úshin jarııa etilmeıdi.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir