• USD 378.65
  • EUR 430.07
  • RUB 6
  • CNY 55.1
26 Tamyz, 16:00:05
Nyǵmatýlın Parlamenttiń qos palatasyn birlesken otyrysqa shaqyrdy

22 Shilde, 2019 Sport

Krıshtıaný Ronaldýdy tań qaldyrǵan qazaq balasy kim? (vıdeo)

Sýret Instagram-daǵy @cr7sjuve paraqshasynda jarııalandy.

Qazaq bala alańǵa júgirip shyǵyp, óziniń kýmıri Krıshtıaný Ronaldýmen sýretke tústi dep habarlaıdy Qamshy.kz aqparat agenttigi Habar 24. saıtyna siteme jasap. 

Bul týraly belgili jýrnalıst Roza Esenqulova óziniń Facebook paraqshasynda jazdy.

"Rasymen de armandar oryndalady. Keshe bul qazaq bala alańǵa júgirip shyǵyp, óziniń kýmıri Krıshtıaný Ronaldýmen áńgimelesip, sýretke tústi. Qandaı keremet!", - dep jazdy tilshi.

14 jastaǵy Ahmadı Erjanov portýgaldyq fýtbolıst Krıshtıaný Ronaldýdyń jankúıeri. 

Kishkentaı Ahmadıge ákesi 21 shildede Sıngapýrda ótken "Iýventýs" - "Tottenhem" arasyndaǵy matchqa bılet satyp alyp bergen.

"Ol oıyn boıy, otyrmastan Ronaldýdy baqylap turdy. Qatty qobaljydy. Sol kezde men ulyma "alańǵa júgirip shyǵyp, kýmırińe bar" dep aıttym. Onyń uzaq ýaqyt bul qadamǵa batyly jetpeı turdy. Kúzetshiler óte kóp edi, ol qatty qoryqty. Sol kezde men "Bul seniń sońǵy múmkindigiń, eger barmasań ómir boıy ókinip ótesiń", dedim. Ol alańǵa júgirip ketti. Alǵan áserin aıtyp jetkize almaımyz", - dedi ákesi Bolatbek Abýlhaırov.

Bul sátti barlyq sheteldik telearnalar túsirip alǵan. Alaıda bul oqıǵanyń sońy keleńsizdikpen aıaqtalyp otyr. Ronaldýmen kezdeskennen keıin balany jergilikti polıseıler alyp ketken. Biraq keıin balany bosatypty.

"Bizge aıyppul salynbaq. Qazirdiń ózinde polısııa ýchaskesine shaqyryp jatyr. Bizge qansha aıyppul salsa da mańyzdy emes, óıtkeni men balamnyń armanyn oryndadym", - dedi ákesi. 

Esterińizge sala keteıik, "Iýventýs" – "Totenhem" matchy 21 shildede Sıngapýrde ótti. Oıyn 3:2 esebimen "Tottenhemniń" jeńisimen aıaqtaldy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir