• USD 378.65
  • EUR 430.07
  • RUB 6
  • CNY 55.1
26 Tamyz, 14:26:08
Nyǵmatýlın Parlamenttiń qos palatasyn birlesken otyrysqa shaqyrdy

16 Shilde, 2019 Án-kúı

"Jyr – meniń jalǵyz tarlanym" atty respýblıkalyq jyr músháırasy ótti.

Qazaqstannyń halyq jazýshysy, memlekettik syılyqtyń laýreaty Farıza Ońǵarsynovanyń 80 jyldyǵyna oraı N.Jantórın atyndaǵy oblystyq fılarmonııada "Jyr – meniń jalǵyz tarlanym" atty respýblıkalyq jyr músháırasy ótti

Poezııa padıshasyn eske alýǵa arnalǵan jyr dodasyn oblystyq mádenıet, arhıvter jáne qujattama basqarmasy men «Rýhanııat» jastar uıymy qoǵamdyq birlestigi uıymdastyrdy. Jıynǵa óleńsúıer kórermennen ózge, óńir zııalylary, aqynnyń uly Almas Ońǵarsynov bastaǵan áýleti qatysty. Shara shymyldyǵy M.О́temisuly atyndaǵy akademııalyq qazaq drama teatrynyń ártisteriniń «О́leń, men seni aıalap ótem» poetıkalyq kompozısııasymen ashyldy. Odan ári oblys ákimi Nurlan Noǵaev quttyqtaý sóz sóıledi.

– Farıza aqyn óziniń ór minezdiligimen, ótkirligimen, batyldyǵymen erekshelenedi. Onyń bul mineziniń ár jaǵynda elge degen qamqorlyq, qoldaý jatatyn. Ol týabitken osynaý qasıetimen ádebıetti alǵa súıredi. Jyr jaýhary atandy. Poezııada shyǵarmashyl býyndardy qalyptastyrdy. Endigi ýaqytta biz poezııa padıshasynyń shyǵarmashylyǵyn nasıhattaı túsýimiz qajet. Onyń artynan ilesken uly kósh jalǵasa berýi tıis. Bul rette osyndaı músháıralardy, eske alý keshterin ótkizýdiń mańyzy zor, – dedi Nurlan Asqaruly.

Uıymdastyrýshylardyń aıtýynsha, Farıza aqynǵa arnalǵan jyr músháırasy jarııalanǵannan beri oǵan qatysýǵa 100-ge tarta aqyn nıet bildirgen. Belgilengen shart boıynsha, aqyndar Farıza aqynnyń óleńdegi, ómirdegi qaıtalanbas bolmysyn jyrǵa qosýy kerek. Baıqaýǵa kelip túsken júzge tarta óleńderdiń ishinen segiz aqynnyń jyry suryptalyp alyndy. Olar sharaǵa meıman retinde qatysyp, 
aqynǵa arnap jazǵan óleńderin de oqydy.

Baıqaý jabyq túrde ótkendikten, aqyndar jyr báıgesine laqap atpen qatysty. Jyr baıqaýyna qazaqtyń kórnekti aqyny, respýblıkalyq Mahambet syılyǵynyń laýreaty, «Qurmet» ordeniniń ıegeri Svetqalı Nurjan tóraǵalyq etti.

Jıyn barysynda qazylar alqasynyń saraptama nátıjesi aıtylyp, Atyraý tórine jınalǵan jeńimpaz aqyndar saltanatty jaǵdaıda marapattaldy.

«Daryn» degen atpen qatysqan almatylyq aqyn Dınara Málik, «Qońdyger» degen aty bar almatylyq Toqtaráli Tańjaryq jáne «Tamshy» atty batysqazaqstandyq Janerke Ǵınaıat úshinshi orynmen marapattaldy. Al, «Baıron» degen atpen qatysqan almatylyq Batyrhan Sársenhan men «Arslan» degen laqap esimi bar atyraýlyq aqyn Asylanbek Shyǵyrov ekinshi orynǵa ıe boldy. Birinshi oryndy «Shalqar» laqap atymen «Daryn» memlekettik jastar syılyǵynyń laýreaty Qalqaman Sarın jeńip aldy.

Al, Bas júlde «Tóre» laqap atymen qatysýshy qaraǵandylyq Mıras Asanǵa buıyrdy. Sondaı-aq, respýblıkalyq jyr músháırasynyń F.Ońǵarsynova atyndaǵy arnaıy júldesi de tabys etildi. Bul marapatty Farıza aqynnyń súıikti nemeresi Alan Ońǵarsynov tarazdyq aqyn Araıly Jaqsylyqqa usyndy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir