22 Shilde, 2019 Aıtty-eı, baýyryń!
Qosanov: "Senimsizdiktiń kókesi sol jaqta emes pe?!"
Sol senimdi qaıta qalpyna keltirýdiń alǵashqy qadamy - saıası tutqyndardy - Aron Atabekti, Muqtar Jákishevti, Maks Boqaevty bostandyqqa shyǵarý bolsa, sózsiz, osy Keńeske degen eldiń kózqarasy ońala túser edi!
Qurylyp jatqan Ulttyq qoǵamdyq senim keńesiniń jumysy baıandy bolýy úshin, eń aldymen, qoǵam men bılik arasyndaǵy jyldar boıyna qordalanyp, siresip, eldiń eńsesin basyp, sana men júrekti, qoǵamdyq ómirdiń barlyq salasyn bılip-tóstep alǵan senimsizdikten arylý kerek!
1995 jyldan beri ornyǵyp, Shańyraq pen Jańaózen tragedııalary tusynda sharyqtaý shegine jetken ol senimsizdikten qutylý ońaı emes. Ol úshin prezıdenttiń bir jarlyǵy jetkiliksiz.
Ekinshi jaǵynan, eki sýbekt arasyndaǵy senim - ekijaqty prosess bolýy kerek. Jáne de eki tarap osy bastamaǵa shyn nıetimen kirisýi kerek sııaqty. Bılik óz yqtııaryn tanytty. Endi qoǵam da alǵa bir qadam jasap, osy múmkindikti paıdalanyp kórgeninen esh ábestik ne saıası qate kórip otyrǵan joqpyn.
Kósh júr túzele me, joq pa, kóreıik. Keńes senimimizdi aqtamasa, ony da aıta jatarmyz.
Eń bastysy, bizdiń jaǵdaıda "senim" degen termın saıası-bıýrokratııalyq sıpattan góri moraldyq, psıhologııalyq, gýmanıstik maǵynaǵa ıe bolyp tur.
Keńes dál sondaı adamı bıiktikke qol jetkize ala ma? Másele sonda!
Sol senimdi qaıta qalpyna keltirýdiń alǵashqy qadamy - saıası tutqyndardy - Aron Atabekti, Muqtar Jákishevti, Maks Boqaevty bostandyqqa shyǵarý bolsa, sózsiz, osy Keńeske degen eldiń kózqarasy ońala túser edi!
PS. Bir usynys. Osy turpatty keńester aımaqtarda da bolýy kerek dep oılaımyn: senimsizdiktiń kókesi sol jaqta emes pe?!
Ámirjan Qosanovtyń feısbýk paraqshasynan alynǵan
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir