Solovev: Zerthana jarylsa, Almaty joıylyp ketedi (vıdeo)

Reseıdiń Vladımır Solovev júrgizetin baǵdarlamasynda Amerıkanyń daıyndaǵan bıologııalyq qarý jaıly ózekti másele talqylandy dep jazady Qamshy.kz aqparat agenttigi. 

Baǵdarlama bastalysymen-aq AQSh jaıly sóz qozǵaǵan júrgizýshi Solovev:

"AQSh bıologııalyq jarylǵysh zattardy daıyndap qoıǵan. Árıne óz jerinde emes. Reseıge jaqyn memleketterge. Ol — Ýkraına, О́zbekstan, Qazaqstan elderinde. Pentagondyqtar dál osy jarylǵysh zattardyń adamǵa, tabıǵatqa áserin baqylap jatyr. Bul óte mańyzdy másele, oǵan jeńil qaraýǵa bolmaıdy»,- dedi.

Stýdııada qonaqtar men júrgizýshi debatqa túsip, pikirler ekige bólindi.

«Áskerı bıologııalyq zertteýshiler jarylǵysh zatty izdep jatyr. Olardy jaryp jiberý óte qaýipti»,- degen oılarǵa Solovev irkilmesten:

«Jaryp jibere salsaq she, sol jarylǵyshty. Men jas emespin. О́mirden kórgenimdi ǵana aıtaıyn. Jaqynda Izraılde bolǵan oqıǵany eske túsirińizder. Shekarany saqtaý bizge de óte qıyn bolyp turǵan shyǵar, bilmeımiz ǵoı.  Almaty — qalalar men aýyldardyń ortasynda. Ondaǵy jarylǵysh zattardy jarý úshin arnaıy qurylǵylar da bar. Ol qalada mıllıondaǵan adamdar bar. Eger ol zerthanadaǵy jarylǵyshty birden jaryp jiberse, Almaty joıylyp ketedi. Bılik basyndaǵylar da oılanatyn shyǵar. Shetelden kelgen kez-kelgen zatty tekseretin shyǵar»,- deıdi.

«Bıologııalyq qarý óte arzan, óte qaýipti jáne kózge kórinbeıtin qarý. Onyń aǵzańa qalaı kirip ketetinin de baıqamaı qalasyń»,- dep kese aıtty baǵdarlama qonaqtary.

Bıologııalyq qarý, bakterıologııalyq qarý — adamdardy, jan-janýarlardy aýyr dertke shaldyqtyrý arqyly qatardan shyǵarýǵa negizdelgen jappaı zaqymdaǵysh qarý. Bıologııalyq qarýdyń áskerı jaǵynan joǵary tıimdiligi indet týdyrǵysh dozasynyń shaǵyndyǵy, úlken aýmaqqa jasyryn túrde qoldanýǵa bolatyndyǵy, mólsherin aıqyndaý men ındıkasııalaýdyń qıyndyǵy, áreketiniń tańdamalylyǵy (tek adamǵa, belgili bir jan-janýar túrlerine áser etýi), psıhologııalyq áseriniń kúshtiligi, ásker men turǵyn halyqty bıologııalyq qorǵaýdyń jáne qoldanǵannan keıingi onyń zııandy áserin joıý jónindegi jumystar kóleminiń aýqymdylyǵy ári kúrdeliligi arqyly anyqtalady.