О́lgen balany tiriltken dárigerdiń vıdeosy jaryq kórdi (vıdeo)

Facebook-tiń ózbek jelisinde paıda bolǵan vıdeo búkil elge jappaı tarap jatyr. Onda dárigerdiń eki jasar balanyń ómirin qalaı aman alyp qalǵany sýretteledi dep habarlaıdy Qamshy.kz aqparat agenttigi Zakon.kz saıtyna silteme jasap

О́ldige sanalǵan balany tiriltip alǵan LOR dárigeri Sergeı Tobıas týraly vıdeonyonyń áriptesi, otolarıngolog Ilhom Avlıakýlov jelige ornalastyryp, oqıǵanyń mán-jaıyn baıandaǵan.

"Men "Lor Plus Servis" dárigerine alǵysymdy aıtqym keledi. Ol myqty maman eken. Búgingi jasaǵany erlik endi. Oǵan bir áıel demi toqtap, klınıkalyq ólimdegi eki jasar balasyn alyp kelgen. Ol kisi reanımatolog ta emes, bir-aq balaǵa alǵashqy medısınalyq kómekti sátti kórsetip, balany anasynyń qushaǵyna tirileı qaıtarǵan. Balanyń aıaq-asty temperatýrasy kóterilip, aıaq-qoly dirildep, tynysy toqtaǵan. Ebin bilmeıtin dárigerler, mundaı alaqanyn jaıady. Al ol sońyna deıin qolynan kelgenin istedi, onysy beker de bolmady",- dep jazdy Ilhom Avlıakýlov vıdeoǵa qosa jarııalaǵan jazbasynda.

Belgili bolǵandaı, Tashkenttegi jekemenshik emhanaǵa qolyndaǵy eki jasar balasy bar bir áıel tapyraqtap júgirip kirgen. Qutqaryńdarshy deı beripti. Al bala tynysy toqtap, klınıkalyq ólim jaǵdaıynda bolǵan. Balaǵa otolarıngolog Sergeı Vladımırovıch Tobıas kómekke kelgen. Ol uzaq ýaqyt boıyna eshqandaı apparattyń kómeginsiz balaǵa jan bitirýge tyrysty. Balanyń áke-sheshesi shoshyp, kabınetke kirip-shyǵyp seńdeı soǵylady. Birneshe mınýttan keıin dáriger balany kóterip alyp, anasynyń qolyna beredi. Bul kezde balaǵa jan bitip, kózin ashqan edi.