Toqaev: "Prezıdent" degendi estigende, Nazarbaev kelgen eken dep oıladym

Qazaqstan prezıdenti Qasym-Jomart Toqaev reseılik jýrnalıst Alekseı Pıvovarovtyń "Prezıdent 2.0" derekti fılminde alǵash ret ózi jáne otbasy týraly aıtty dep habarlaıdy Qamshy.kz aqparat agenttigi.

Derekti fılmdi qazaqstandyqtar 21 shilde kúni saǵat 22:00-de 31-arnadan tamashalaı alady. Qasym-Jomart Toqaev óziniń otbasy týraly, taǵdyrlaryna XX  ǵasyrdaǵy Qazaqstan tarıhynyń qaraly betteri qalaı áser etkenin aıtady. 

"Alǵashqy kúnderi jańa laýazymǵa úırenbedim. Ásirese, kópshilik jınalǵan is-sharalarda úırenshikti bolǵan joq. "Prezıdent, prezıdent" degendi estigende, Nursultan Ábishuly Nazarbaev kelip qalǵan shyǵar dep oılaıtynmyn. Biraq bul ýaqytsha ǵana nárse eken, jaqsy nársege tez úırenesiń", - dedi Toqaev suqbat barysynda.