20 Shilde, 2019 Ádebıet
Búgin jas jazýshy Meıirjan Jylqybaıdyń qos kitabynyń tusaýy kesildi (foto)
Balalarǵa bazarlyǵyn arqalaı kelgen káris eliniń azamattary balapandardy bir qýantyp tastady
Búgin Almaty qalasyndaǵy Qazaq Ulttyq kitaphanasynda balalar jazýshysy Meıirjan Jylqybaıdyń qos kitabynyń tusaýkeseri ótti dep jazady Qamshy.kz aqparat agenttigi.
Kitaphanaǵa kirgen boıda ulttyq kıim kıgen qazaq qyzdary qonaqtardy qarsy alyp, tusaýkeser ótetin zalǵa jol siltep turdy. Adam qarasy kóp boldy. Álbette, qonaqtyń jartysynan kóbi - balalar jáne sonymen qatar, tanymal jazýshy, jýrnalıster, ata-analar boldy.
Kesh Qazaqstan Respýblıkasy Ulttyq kitaphanasy dırektorynyń aqparattyq tehnologııalar jáne ınnovasııalar jónindegi orynbasar Iskalıeva Núrııa Amanǵalıqyzynyń quttyqtaý sóz sóılep, sahna tórine moderatordy shaqyrýymen bastaldy.
Aldyn ala daıyndalǵan sahnada Azııa Mádenıeti ortalyǵy janyndaǵy teatrdyń ártisteri Keńes Dúısenniń "Jyl qalaı bastalady?" atty ertegisiniń negizinde qýyrshaqtardyń sahnalandyrylǵan qoıylymyn qoıdy.
Bir saǵatqa shamalas qoıylǵan qoıylymdy qyzyǵa tamashalaǵan balaqaılar káris tilin túsinbese de, kórinisterden erteginiń mán-maǵynasyn túsinip, máz-meıram bolyp otyrdy. Sahnalyq qoıylymnan soń shamaly úzilisten keıin keshtiń ekinshi bólimi bastaldy.
Keshti belgili jýrnalıst, jazýshy Eseı Jeńisuly júrgizdi.
Keshtiń ekinshi bóliminde sahnaǵa Qazaqstandaǵy Ońtústik Koreı Respýblıkasy elshiliginiń Almatydaǵy ókildiginiń basshysy, Bas Konsýl I Chın Ho jáne Koreı Respýblıkasy Azııa Mádenıeti ortalyǵynyń Halyqaralyq qatynastar boıynsha sarapshy, tarıh ǵylymdarynyń kandıdaty Chjon Bonsý myrza shaqyrylyp, quttyqtaý sózderi sóılendi.
Odan keıin kesh sebepkeri - Meıirjan Jylqybaıdyń Koreı elinde úsh tilde basylyp shyqqan "Batyr qoıan" jáne "Taýǵa saıahat" kitaptarynyń lentasyn qııý úshin sahnaǵa dramatýrg, "Platındy Tarlan" táýelsiz syılyǵynyń ıegeri Dýlat Isabekov, jazýshy Keńes Dúısen jáne Koreı delegasııasynyń ókili shaqyryldy.
Lentasy qıylyp, quttyqtaý sózderi sóılengen soń avtor kesh qonaqtaryna kitaptaryn tanystyrdy.
Artynsha atalǵan kitaptyń biri - "Batyr qoıan" boıynsha salynǵan sýretter negizinde qurastyrylǵan mýltfılm kórsetildi. Ekranda káris tilinde jazylǵan mýltfılm balalarǵa qazaq tilinde túsinikti etip jetkizildi.
Keshtiń úshinshi bóliminde mýzykalyq baǵdarlamada dombyra shertilip, án shyrqaldy.
Kesh sońynda balaqaılarǵa arnaıy daıyndalǵan syılyq - "Batyr qoıan" kitaby, boıamaǵy jáne túrli-tústi qaryndashtar tegin taratyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir