Premer-mınıstr qoqys tazalap júr

QR Premer-Mınıstri Asqar Mamın Qoıandy sý qoımasyn tazartý boıynsha «Birge – Taza Qazaqstan» ekologııalyq aksııasyna qatysty dep jazady Qamshy.kz aqparat agenttigi government.kz saıtynyń deregin negizge alyp. 

Ekologııalyq aksııa qatysýshylaryna sózin arnaǵan QR Úkimetiniń basshysy barlyq óńirlerdiń ákimderin, ekologııalyq belsendilerdi, jastar uıymdary men eriktilerdi osy bastamany qoldaýǵa shaqyrdy.

«Men bul aksııanyń keńinen taralatynyna, jalpyrespýblıkalyq sharaǵa aınalatynyna jáne azamattar arasynda qoldaýǵa ıe bolatynyna senemin. «Birge – Taza Qazaqstan» aksııasy elimizdegi ekologııalyq jaǵdaıdy jaqsartýǵa múmkindik beredi», — dedi Asqar Mamın.

Aksııaǵa 1200-den astam adam qatysty. Olardyń ishinde QR Úkimetiniń músheleri, Nur-Sultan qalasynyń ákimi, Aqmola oblysynyń ákimi, memlekettik jáne qoǵamdyq uıymdardyń, dıplomatııalyq korpýstyń, jergilikti atqarýshy organdardyń ókilderi, stýdentter, eriktiler bar.