• USD 378.65
  • EUR 430.07
  • RUB 6
  • CNY 55.1
21 Tamyz, 22:38:06
Senim údesinen shyqqan bank

15 Maýsym, 2019 Aımaqtar

Jambyldyq sharýa taýyq ósirip, paıdasyn kórip otyr

Búgingi tańda  aýyl sharýashylyǵynyń qarqyndy damyp kele jatqan salalarynyń biri qus sharýashylyǵymen aınalysý.  Az ýaqytta ónimniń óndirilýi  naryq suranysyna baǵyt-baǵdar ustaýǵa jol ashady.

«Ketpen shaýyp ólgem joq, kemtarshylyq kórgem joq» degen sózdiń tórkini  adam balasy qandaı qıynshylyqqa tap bolsa da esh moıymaı alǵa umtylsa ǵana dittegen maqsatyna jete alady .Erinbeı eńbek etkenniń  búıiri tolyp, nesibesi artady.

Jambyl oblysy Sarysý aýdanynda da  aýla ishinen-aq, tirlik etip, otbasynyń keregin qamtyp qana qoımaı, tabys kózine aınaldyryp otyrǵan isker jandar qanshama?

Osylaı sharýasyn dóńgelentip otyrǵan kásip ıesiniń biri – Sarysý aýdany Toǵyzkent aýyldyq okrýgine qarasty Ábilda aýylynyń turǵyny Málik Myńbaev.

Máliktiń úıine jaqyndaǵan sátten  qustardyń dybysy estiledi. «Bul daýystar janymdy jadyratady», –degen qus ósirýshi tańmen talasa turyp, tynbaı eńbek etip keledi.

Tájirıbe degeniń ómir ǵoı, osy taýyqty asyraýda kóptegen kedergige  tap bolsa da, suraı júrip, qyr-syryn meńgeripti.

Qus sharýashylyǵynan nápaqasyn tapqan  Málik Myńbaev   3 jyldam astam ýaqyttan beri osy kásipti janyna násip etipti. Asyrap otyrǵan taýyǵynyń jumyrtqasyn satylymǵa shyǵaryp keledi.

-О́zine qajetti tamaǵyn daladan tabatyn taýyqtyń bir paıdasy  shegirtkeniń jaýy.  Egistikke shegirtke jolamaıdy. Otbasyndaǵylar kúndelikti tamaqqa jumyrtqany úı taýyǵynan qoldanady.  Aqıqatynda  eńbek adamdy joqshylyqtan qutqaryp, sharýaǵa beıimdeıdi.  «Eńbek etseń erinbeı toıady qarnyń tilenbeı» dep Abaı atamyz aıtqandaı,  kózin tapqanǵa taýyq ta tabys kózi.

Bul sharýanyń  qıyny balapan ashyp shyqqan soń,- deıdi keıipkerimiz.  Ol eń birinshi qustaryn kórip, jaǵdaıyn qaramasa kóńil kónshimeıtindigin aıtyp aǵynan jaryldy.

Rasynda   taýyq jumyrtqasyna degen  suranys búginde  joǵary. О́ıtkeni, kim bolsa da hımıkattalǵan astan góri, taza, senimdi, sapaly ónimdi qoldanǵysy keledi.

Kúndelikti úı shyǵynyn da óteýge jaraıtyn tabys túrin munan ári damytyp, úlken tirshilikke aınaldyrýdy josparlaǵan Máliktiń sózderinen bul iske degen qyzyǵýshylyǵyn baıqadyq.

Qyryqtan astam taýyq asyrap otyrǵan aǵamyz ótken jyly 70, aǵymdaǵy jyly 100 balapanǵa deıin shyǵaryp, jyldan jylǵa kórsetkish arta túsýde deıdi. 

Atalmysh kásipti keńeıtip, taýyq etin satylymǵa shyǵarýdy josparlaǵan kásipkerdiń isine bereke, sáttilik tiledik.

Darıha Úmbetııarova

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir