Jambyldyq jastar senimdi aqtaıdy

Elimizde jastarǵa aıryqsha kóńil bólýi, jastar jyly ataýy,   qoǵamnyń aýyzbirligin eselep arttyryp, jastardy bir serpiltip, boılaryna jiger syılaǵandaı.  Elbasynyń únemi jastardy qoldap, jastar saıasatyn damytýdy kózdeıtini beker emes.

Qoǵamnyń qozǵaýshy kúshi jastar ekenin joqqa shyǵara almaımyz. Búgingi jastar kreatıvti pikirge ıe.

Búgingi jastar – erteńgi kásibı bilikti maman, bolashaq otbasynyń tiregi. Árbir jas qoǵamda óz ornyna ıe bolý úshin kez kelgen qoǵamdyq máselege beıjaı qaramaýy tıis.

Sebebi patrıottyq rýh ta, rýhanı erik-jiger de ortamen aralasýdan týyndaıdy.

Qazaqta «Jas kelse – iske» degen sóz bar. Aqyldy tehnologııa zamanynda aqyl da, tyń ıdeıa da jastardan shyǵady. Buǵan Jambyl oblysy Sarysý aýdanyndaǵy serpindi jobalar da dálel bola alady.

Sarysý aýdany ákimdigi ishki saıasat bóliminiń «Jastar resýrstyq ortalyǵy» kommýnaldyq memlekettik mekemesinde osy salada uzaq jyldar eńbek etip kele jatqan Jadyra Jumaǵulova esimdi azamatsha basshylyq jasaýymen  memlekettik jastar saıasatyn júzege asyrý maqsatynda birqatar jumystar atqarylyp keledi.

Búgingi tańda aýdanda  14 pen 29 jas aralyǵyndaǵy jastar sany 10 159 adam.

Qazirgi tańda mekemede 18 shtat boıynsha qyzmetkerler  jumys isteıdi, 9 aýyldyq okrýgtyń barlyǵynda jastar isi jónindegi ınspektorlar jumys atqarady.

«Jasyl el» baǵdarlamasy aıasynda 2 aılyq maýsymdyq jumysqa 50  jas tartylyp, Sáýir-mamyr aılarynda ortalyq saıabaqpen qala ishiniń tazalyq jumystaryn atqardy.

Mekeme tarapynan jastar arasyndaǵy patrıotızm, adamgershilik-ımandylyq, quqyqtyq, estetıkalyq, kásiptik, til, nashaqorlyqqa jáne qylmysqa qarsy kúres, din, jemqorlyq, salaýatty ómir salty, ekologııa, jastardyń áleýmettik máselelerine baılanysty jáne qoǵamdaǵy túrli salalar boıynsha  aǵymdaǵy jyly josparǵa sáıkes, jumystar jasalady.

Jastar arasynda quqyq buzýshylyq pen qylmystyń aldyn alý basty nazarda bolyp, múddeli organdarmen tıisti profılaktıkalyq jumystar júrgizilýde. Máselen, ústimizdegi jyldyń 14-17 mamyrynda Jańatas kópsalaly kolledji, №5 Jańatas jáne №11 Sarysý kolledjderinde aýdandyq meshittiń naıb ımamy, aýdandyq ıývenaldy polısııa toby, aýdandyq ardagerler keńesi múshesiniń qatysýymen kezdesýler ótkizildi.

Sonymen qatar Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda bekitilgen aýdandyq jelilik kestege sáıkes jumystar turaqty oryndalýda.

Jastardy qaıyrymdylyqqa tartý maqsatynda «Jan jylýy», «Júrek jylýy», «Qaıyrymdylyq jasa!» «Jaqsylyqqa umytlaıyq!» atty qaıyrymdylyq aksııasy aıasynda kásipkerlerdiń qoldaýymen 53 otbasyǵa tegin azyq-túlik taratyldy. Sharaǵa 30 dan astam eriktiler tartyldy. 

 «Ardagerlerdi ardaqtaıyq» jobasy aıasynda aqpan – sáýir aılarynda Uly Otan soǵysynyń ardagerleri men jalǵyz basty analardyń úılerine bir top belsendi jastardyń qatysýymen kómektesý jumystary júrgizilýde.

Jastar jylyndaǵy týyndaǵan mindeterdi júzege asyrý aıasynda «Bıznestiń jol kartasy - 2020» bıznesti qoldaý men damytýdyń Memlekettik baǵdarlamasy sheńberinde memlekettik grant týraly BAQ-ta jaryq kórdi. Nátıjesinde aýdanymyzda 37 jas grantqa qatysýǵa nıet bildirip, qujattaryn jınaý jumystaryn júrgizýde.

Aýdan turǵyndarynyń áleýmettik jaǵdaıyn anyqtaý maqsatynda 30 mamyr -1 maýsym aralyǵynda Jambyl oblysy ákimdigi jastar saıasaty máseleleri basqarmasy mamandary men oblystaǵy túrli sala mamandarynyń qatysýymen «Bolashaqqa baǵdar» atty kóshpeli keńes berý alańy ótkizildi.

Sharaǵa 700-den asa aýdan urǵyndary qamtyldy.

Jastar arasynda pozıtıvti ómir saltyn qalyptastyrý maqsatynda mamyr aıynda «Delfıı», aýdandyq KTA «Sarysý aýdany ákiminiń kýbogy 2019», «Úlgili otbasy jarqyn bolashaq kepili», «Názik jandy mamandar», «Týǵan jer – tuǵyrly mekenim» t,b. aýqymdy is-sharalar ótkizildi.

Jastar jyly aıasynda, 2019 jyldyń 1 mamyrynda Sarysý aýdanynyń Qurmetti azamaty Turar Mysyqbaevty eske alýǵa arnalǵan Saýdakent-Jańatas baǵytynda júgirýden aýdandyq marafon ótkizildi. Sondaı-aq, «Salaýatty ómir saltyn saqta!», «Maǵan ómir qymbat» atty keń kólemde aksııalar ótkizildi.

-Jastar jylynda osy jumystardy jańa qyrynan odan ári damytý - basty mindetterimizdiń biri bolmaq. Biz, qazaqstandyqtardy, ásirese jastardy meılinshe kóbirek qamtý maqsatynda ınternet-medıadaǵy jobalardy kúsheıtip, kóshpeli kórmelerdiń formatyn damytýdy kózdep otyrmyz. Sondaı-aq, Elbasynyń bastamalary men ıdeıalaryn shet elderde taratý baǵytynda da josparlarymyz bar. Biz turaqty túrde jańa jobalarymyzdy damytyp, qoldanystaǵylardy jetildirip otyramyz,-deıdi aýdandyq jastar resýrstyq ortalyǵynyń dırektory Jadyra Jumaǵul.

Saıyp kelgende, munyń barlyǵy - zaman talabyna, eń bastysy jastardyń suranysyna saı bolýdaǵy umtylysymyzdyń jarqyn kórinisi dep paıymdaımyz. 

Darıha Úmbetııarova