• USD 378.65
  • EUR 430.07
  • RUB 6
  • CNY 55.1
25 Tamyz, 07:27:20
Qoryqshylardyń materıaldyq-tehnıkalyq bazasy kúsheıtiledi

19 Shilde, 2019 Saıasat

Ámirjan Qosanov: Senimdi qaıtarý – uzaq prosess...

Bılik birdi - ekili Jarlyqqa qol qoıý arqyly azamatttardyń senimin birden qaıtaryp ala almaıdy. Senimdi qaıtarý – uzaq prosess. Iá, qoǵamnyń bılikke qoıatyn suraqtary kóp.

Ámirjan Qosanov exclusive.kz saıtyna suhbat berdi. Suhbat barysynda Qosanov Ulttyq keńeske qatysty pikir bildirdi. 

— Ne sebepti saılaýdan 2-oryn alǵan kandıdat Ulttyq keńestiń quramynda joq? Logıka qaıda?

— Bul Ulttyq keńesti qurýshylarǵa qoıylýy kerek. Bıliktiń logıkasyna men jaýap bere almaımyn.

— Sizge 1,5 mln qazaqstandyq daýys berdi. Olardyń sizge artqan senimi bılikke qajet emes pe? Álde bul keńes te halyqty aldarqatý úshin quryldy ma?

— Bılikke qarsy 1,5 mln adamnyń kózqarasy, oıy joǵary deńgeıde talqylanýy kerek. Soǵan baılanysty saıası sheshimder de qabyldanýy tıis.  Bılik birde-ekili Jarlyqqa qol qoıý arqyly azamatttardyń senimin birden qaıtaryp ala almaıdy. Senimdi qaıtarý – uzaq proses. Iá, qoǵamnyń bılikke qoıatyn suraqtary kóp.

Al ekinshi suraqqa keletin bolsam... Bul eldegi jalǵyz oppozısııa ókili emespin. Men basqa da mıllıondaǵan adamdardyń birimin. Sondaı-aq meniń Keńeske kirý, kirmeýim keńesti baǵalaýdaǵy jalǵyz krıterıı emes. Basqa da laıyqty adamdar bar.

Sol sebepti Ulttyq keńestiń jasandy nemese jasandy emes ekenin quram músheleriniń is-áreketi men nátıjesine qarap qana baǵa bere alamyn. Sondaı-aq keńes quramyndaǵy keıbir adamdardy men qurmetteımin. Jas kezimizde «ashtyq ereýilinen basqanyń bárine daıynmyn» degen sóz aıtylatyn edi. Sol sekildi men halyq pen bılik arasynda dıalog ornatýǵa baǵyttalǵan kez kelgen bastamany qoldaımyn. Bir orynda turǵannan bir qadam alǵa jyljyǵan durys. Nemese Qudaı saqtasyn artqa qaıt. "Balapandy kúzde sanaıdy" demekshi, áliptiń artyn baǵaıyq.

— Aıtpaqshy, sizge Ulttyq keńestiń quramynda ne sebepti joq ekenińizdi túsindirdi me?

–Joq. Tipti, men Ulttyq keńestiń múshesi bolmaǵanyma qatty qýanyshtymyn. Sebebi eger men kelisim bersem (Ulttyq keńeske kirýge — Red), meni dıalogqa qaýqarsyz dep aıyptar edi. Eger kelisim bersem, júıeniń adamy der edi. 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir