Jambylda aýyldardyń áleýeti artyp jatyr

Negizinde qashannan aýyl – óner men mádenıettiń  ordasy, ultymyzdyń túp tamyry, elimizdiń altyn besigi desek qatelespeımiz. Aýyl ahýalyn kóterý, ajaryn kórkeıtý – búgingi kúnniń basty máselesine aınalyp otyr.

Osyǵan oraı Tuńǵysh Prezıdent N.Nazarbaev Joldaýynda aýyldyq jerlerdi qoldaý jaıly tyń bastama kóterip, aýyldyń áleýmettik ortasyn jańǵyrtý qajettigin jáne bul ákimshilikterdiń mindeti ekenin aıtqan bolatyn. Aýyldardy damý núktesine aınaldyrý aıasynda«Aýyl – el besigi» jobasy qolǵa alynbaq.

Maqsat-aýyldardy turaqty damý oshaqtaryna aınaldyrýymyz kerek. Aýyldarda baspana men joldardy salyp, shaǵyn jáne orta bıznesti damytý qajet. Barsha adamzattyń qutty mekeni, molshylyqtyń, bereke-birliktiń ordasy bolǵan aýyldyń ahýalyn kóterýge memleket  tarapynan aıryqsha kóńil bólinýde.

Jambyl oblysynyń ákimi Asqar Myrzahmetov barlyq basshylarǵa algorıtm boıynsha qoǵammen tyǵyz qarym-qatynas ornatý maqsatynda tıimdi baǵdarlamalardy durys paıdalana otyryp, bolashaqty jarqyn etýdiń oń nátıjesin kórsetýde.   

Bul – aýyldardy ajarlandyra otyryp, ózekti máselelerdiń oń sheshilýine serpin beredi.

Basty maqsat – aýyl turǵyndarynyń bir kúndik emes, ómirlik azyq tabýyna yqpal etý, ıaǵnı qolyna qarmaq berý.  

Osy oraıda  Sarysý aýdanynyń ákimi Qanatbek Mádibek kezekti algorıtmdik kestesi boıynsha Jańaryq aýyldyq okrýginde boldy.

Aýdan basshysy Aqtoǵaı aýylyndaǵy saıabaq, meshit, «Baldaýren» shaǵyn ortalyǵy, aýyldyq klýb, kitaphana, mektep jáne saılaý ýchaskesi, feldsherlik ambýlotorııalyq pýnktterdi aralap, ondaǵy ahýalmen tanysty.

Sodan soń, «Búrkitti» sý toǵany, U.Syzdyqbaıuly aýyldyq klýby, kitaphanasy men óner mektepterin aralap, jasyl jelek, tazalyq t.b oılarymen bólisti. 

Eki aýyldaǵy densaýlyq, bilim, mádenıet oshaqtarynyń jáı-kúıin baqylap, aldaǵy atqarylar jumystardy ortaǵa saldy.

Barlyq áleýmettik nysandardy aralap shyqqan soń, aýdan basshysy aýyl turǵyndarymen qorytyndy kezdesý ótkizdi.

 Aýyl turǵyndary aldynda sóz sóılegen aýdan ákimi Q.Qaıshybekuly:

 -Qazirgi tańda oblys basshysy A.Myrzahmetovtiń tikeleı basshylyǵymen barlyq aýyl-aımaqtardy  aralaýdamyz. Búgin aýyl tynys-tirshiligin taǵy da bir ret baqylap, qadaǵalaý jumystaryn júrgizdik.

 Aýyl halqy tirshilik isteýge daıyn. Jigeri mol adam kóp.

Tek qalaı bastaryn bilmeı júrgenderde kezdesýde. Alǵa talpynyp, kásippen aınalysamyn degen jandarǵa baǵyt berip, demeý sharalary júrgizilýde. Osy turǵyda tıisti bólim basshylary da ortamyzda otyr. Qajetti aqparattardy alamyn, tirligimdi bastaımyn degenderge esigimiz ashyq.

Búginde birte-birte kóńil qýantarlyq nátıjelerge qol jetkizip jatyrmyz.

  Aýdan kóleminde qanshama kásipker úlkendi-kishili kásibin dóńgeletip otyr. Aldaǵy ýaqytta aýdan turǵyndaryn  memlekettik baǵdarlamalardy paıdalana otyryp, tigin sehy, tandyr pesh, sút saqtaý,óndirý sehy, taýyq asyraý, jylyjaı, balmuzdaq jyljymaly apparaty, taǵy basqa kásip kózderin ashýǵa shaqyramyz.  Bul – úlken múmkindik, -ekendigin aıtyp aǵynan jarylǵan aýdan basshysyna aýyl turǵyndary da óz oılarynda júrgen usynys-pikirlerin aıtty.

  Aýdan ákiminiń sózine qaraǵanda, aǵymdaǵy jyly aýdan kóleminde ekonomıkaǵa serpin beretin tyń jobalar qolǵa alynyp, jańa jumys oryndary qurylmaq. Mektepter men joldardy jóndeý jumystaryna da júıeli jospar jasalǵan. Bıyl osy máselelerdi birjaqty etemiz dep otyr aýdan ákimi.

Kezdesýde turǵyndar tolǵandyrǵan  túıtkilderin aıtty.

Suraqtardy ákim jaýapsyz qaldyrmady.

 Osy kezdesýde   jańaaryqtyqtardyń kópten beri armanyna aınalyp kele jatqan  uıaly baılanys jáne ınternet júıesin ornatý  máselesiniń jaqyn arada sheshimin tabatyny aıtyldy.

   Taǵy bir qýantarlyq  jáıt, aýdanda halyqtyń áleýmettik jaǵdaıy kóterilip, kásippen aınalysý jyldan jylǵa ósýi. Elbasy halyqqa arnaǵan Joldaýynda «Ekonomıkamyzda shaǵyn jáne orta bıznestiń úlesi artqan saıyn Qazaqstannyń damýy da ornyqty bola túsedi»- degen bolatyn.

Osy maqsatta aýdanda shaǵyn jáne orta bıznesti damytý úshin «Jumyspen qamtý-2020» jol kartasy baǵdarlamasy arqyly aýyl azamattary nesıe alyp óz isin ashýda. Ár jylda aýyl azamattary jańa kásipkerlik nysandar ashyp, jumyssyz jandar jumyspen qamtylýda.

Aýyldyqtar da qoldan kelgenshe óz kásipterin ashyp, aýyldyń ajarlanýy úshin bar múmkindikterdi jasamaq. Búgingi kúnniń ózinde aıadaı ǵana Aqtoǵaı aýyly boıynsha qarapaıym zattar ekonmıkasyn qalyptastyrýda.  Turǵyndar  ózderinen artylǵan  esik aldyndaǵy egistikterinen 15,0 tonna qyzanaq, 2,7 tonna asqabaq, 7,0 tonna qııar  ótkizýdi josparlap otyrǵandyǵy aıtyldy.

Kezdesýde aýdan ákimi bıylǵy jyly da aýdanda birneshe kásipkerlik nysandar men tarıhı eskertkishter  boı kóterdi.  

Taǵy bir úlgi etip aıtar jańalyq men degen qaıyrymdy azamattardyń arqasynda osy ramazan aıynda tórt birdeı kópbalaly otbasy baspanaly boldy.  Aldaǵy jumys halyqtyń áleýmettik jaǵdaıyn retteýge, birinshi kezekte kópbalaly otbasylaryn qajettiliktermen qamtýǵa baǵyttalyp otyrǵandyǵyn aıtyp, jınalǵandardy qýantyp tastady.

Aýyl aqsaqaldary rasynda da búginde aýyldyń  ótkeni bútindelip, búgini ajarlanýda. Erteńi odan da jarqyn bolary sózsiz dep oń kózqarastaryn tanytyp jatty.  

Darıha Úmbetııarova