• USD 378.65
  • EUR 430.07
  • RUB 6
  • CNY 55.1
26 Tamyz, 14:18:44
Nyǵmatýlın Parlamenttiń qos palatasyn birlesken otyrysqa shaqyrdy

01 Maýsym, 2019 Aımaqtar

Jambylda kásipker kóp balaly otbasyna úı syılady

Jambyl oblysy Shý aýdanyndaǵy eń shalǵaı ornalasqan aýyldyq okrýgterdiń biri Balýan Sholaqta Dármenbekovter otbasyna bes bólmeli úıdiń kilti tabys etildi. «Nur Otan» partııasynyń «Baqytty otbasy» jobasy aıasynda júzege asyrylyp otyrǵan bul shara partııanyń aýdandyq fılıaly tóraǵasynyń birinshi orynbasary Naıman Sultanbaevtyń bastamasymen jasalyp otyrǵanyn atap ótken jón.

Bes bólmeli úıdi satyp alýǵa demeýshilik kórsetken – Balýan Sholaq aýylynyń turǵyny, «Qalqa» sharýa qojalyǵynyń jetekshisi Saǵadat Madalıev ekenin de aıta ketý kerek. Jomart júrekti azamat burnaǵy jyldary da óz aýylynyń turǵyndaryna meılinshe kómek kórsetip, birqatar otbasylarǵa materıaldyq jaǵynan qol ushyn bergen. Atap aıtar bolsaq, sol aýyldyń mańyndaǵy qorǵanǵa qorshaý salý maqsatynda úsh mıllıon eki júz myń teńge kóleminde aqsha bólip beripti. Oǵan qosa, byltyr Balýan Sholaqta úlken meshit salynǵanda Saǵadat Madalıev bir túıe men bir mıllıon teńge qarjy qarastyryp, úlken syı jasapty. Mine, jýyrda ǵana alty balanyń ata-anasyna bes bólmeli úıdi satyp alyp berip, kiltin saltanatty túrde tabys etti.

Saltanatty shara barysynda «Nur Otan» partııasy Shý aýdandyq fılıaly tóraǵasynyń birinshi orynbasary Naıman Sultanbaev izgi tilegin jetkizip, aýyl azamattaryna alǵysyn jetkizdi. «Balýan Sholaq aýylynyń birligi burynnan bekem, tirligide tııanaqty. Jetim-jesirin jylatpaǵan ata-babamyzdyń amanatyn qaz-qalpynda saqtap kele jatqan aýyl. Olar kez kelgen kezde bir jeńnen qol, bir jaǵadan bas shyǵara alady. Buǵan osy aýylda ákim bolyp qyzmet istep júrgen kezde-aq kýá bolǵanmyn. Baspana ıelerine qutty bolsyn deımin» - dedi Naıman Sultanbaev.

Qaıyrymdylyq sharasynyń bas-aıaǵynda júrip, jurtshylyqty dál osyndaı ıgi sharaǵa jumyldyra bilgen, túıgenderi men kórgenderi kóp aq samaıly áje Shymshyq Madalıeva bastaǵan birqatar analar men aýyldyq aqsaqaldar keńesiniń tóraǵasy Marat Saǵyndyqov uıymdasa kele sý jańa úı berekeli bolsyn degen nıette aýyldyqtarǵa dastarhan jaıdy. Sondaı-aq,  «Nur Otan» partııasy aýdandyq fılıaly  qonys ıelerine tońazytqysh syıǵa tartyp, márttik jasady. Sonymen birge, joǵaryda aty atalǵan aq jaýlyqty analar qýanysh ıesiniń balalaryna kıim-keshek berdi.

Shynyn aıtý kerek, qaıyrymdylyqqa jany qumar azamattar ózi jasaǵan jaqsylyǵyn kópshilikke jarııa etýdi jón sanamaıdy. Alaıda, Saǵadat Madalıevtyń qaıyrymdylyǵy ózge de kásipkerlerge úlgi bolsa degen nıettemiz. Kásipkerdiń ózi «Anamyz ylǵı da «Jaqsylyq jasaýǵa asyǵyp turyńdar, qaıyryn ózderiń kóretin bolasyńdar» deıdi. Biz úshin anamyzdyń árbir aıtqan sózi zań. Al, muqtaj azamattardyń qýanǵan sátin kórý – men úshin úlken qýanysh» deıdi.

 Atalmysh qaıyrymdylyq sharasynyń sońynda seksennen asqan Shymshyq ájemiz kóregendik tanytyp, aýyl turǵyndaryn aýyzbirshilikke shaqyrdy.  

Shapaǵat Qonysbaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir